Laos, Iha Loron 26 fulan Setembru 2024, Diretor-Geral Polítika Defeza Nasional, Dr. Nuno Carvalho dos Santos ho delegasaun husi Timor-Leste ho estatutu hanesan nasaun Observador, partisipa iha ADSOM-Plus “ASEAN Defence Senior Officials’ Metting-Plus, iha Hotel Donchan Palace, Ventiane.

Objetivu prinsipal, husi enkontru ADSOM-PLUS, atu hametin lasu amizade entre país membru sira no fortifika konfiansa entre nasaun membru ASEAN sira hotu.

Alende ne'e iha ámbitu enkontru ADSOM-PLUS ne'e mós hakarak promove Paz liu husi kapasitasaun hasa'e rekursu hodi bele responde hamutuk ba dezafiu sira entermu de seguransa, no mellora estabilidade regional liu husi koordenasaun servisu ba área defeza no seguransa.

Partisipa iha enkontru ne’e maka hanesan: Diretor Geral Polítika Defeza Nasional, Dr. Nuno carvalho dos Santos, Acessor Polítika, Dr. Cristiano da Costa no Locatele A.G. Sarmento hanesan pontu fokal ba Asean.

Média MD