Kinta-feira 28 novembru 2024

S. E. Ministru Defeza Kontra-Almirante Donaciano da Costa Gomes 'Pedro Klamar Fuik', PhD, partisipa iha serimónia Isar Bandeira Nasionál ba selebrasaun tinan-49 Proklamasaun Independénsia Timor-Leste nian, ne'ebé realiza iha Oe-cusse Ambeno.

Serimónia refere hahú ho resesaun ba S. E. Prezidente-Repúblika José Ramos-Horta, reprezentante Prezidente Indonésia, Menko Polkam, Jenderal TNI, Wiranto ho delegasaun husi Indonésia iha aeruportu Rota de Sándalo, Oe-cusse.

Hanesan inspetór ba serimónia Isar bandeira, Prezidente Repúblika José Ramor-Horta, iha nia diskursu nia saúda povo Timor-Leste no fó omenajen profunda ba kombatente no mártires da patria ne'ebé sakrifika sira nia vida ba soberania RDTL nian.

Iha okaziaun ne'e Prezidente Ramos Horta mós apela, perante ho situasaun mundiál,  liu-liu iha dezafiu no tensaun sira ne'ebé ezize kapasidade koletiva atu ultrapasa.

Hafoin Isar Bandeira Nasionál, Prezidente Repúblika, membru IX-governu Konstitusionál no Prezidente Autoridade RAEOA kontinua kedan hala'o enkontru kortejia ho delegasaun husi Indonésia iha edifísiu Autoridade RAEOA, Oe-cusse.

Média MD