kinta-feira 06 fevereiru 2025 - S. E. Ministru Defeza, Kontra-Almirante Donaciano Costa Gomes 'Pedro Klamar Fuik', Ph.D, hetan vizita husi Prezidente Komisaun Funsaun Públika, Sr. Agostinho Letêncio de Deus ho nia ekipa iha edifísiu Ministériu Defeza, Fatu-Hada, Díli.

Objetivu husi vizita ne'e maka Prezidente Komisaun Funsaun Públika ho nia ekipa solisita ba S. E. Ministru Defeza, Kontra-Almirante Donaciano Gomes atu loke mós formasaun ba funsionáriu públiku sira iha Institutu Defeza Nasional.

Prezidente Komisaun Funsaun Públika ho nia ekipa hato'o pedidu ne'e ba Kontra-Almirante ho intensaun atu IDN disponibiliza formasaun básika kona-ba karaterolojia, lideransa, geo-polítiku no geo-estratéjiku ba servidór Estadu hodi nune'e bele garante liu tan dixiplina no profisionalizmu iha servisu hotu ba interese Estadu no nasaun nian.

Média MD