Enkontru ida ne'e hodi fortifika liu tan kooperasaun bilaterál entre Timor-Leste ho Estadus Unidos América iha área Defeza no Seguransa.

S. E. Ministru Defeza, Kontra-Almirante Donaciano da Costa Gomes, hafoin remata enkontru, ba jornalista sira nia hateten katak, kooperasaun entre Estadu rua ne'e la'o kleur ona dezde 2002. Tan ne'e atu fortalese liu tan kooperasaun mak Timor-Leste, liu husi Ministériu Defeza prepara ona polítika kooperasaun iha área Defeza atu nune'e país amigu sira ne'ebé iha kooperasaun ho TL bele apoia tuir lista nesesidade ne'ebé Estadu sei aprezenta.

Kontra-Almirante mós subliña liu tan katak, Estadus Unidos América nia apoia iha setór oi-oin no ida ne'ebé evidente liu mak kontinua fó oportunidade ba forsas armadas F-FDTL hodi kapasita an iha EUA, halo reabilitasaun ba Angar Aeruportu Baucau no harí mós armazen iha Baucau ne'ebé prevê ba ajudu sira dezastre naturais nian.

Husi sorin seluk, General Steven Nordhaus husi EUA hamutuk ho delegasaun hato'o agradese wain ba bem-vindu kalorozu husi Estadu Timor-Leste. Nia husu atu rai rua ne'e bele hametin liu tan kooperasaun iha área Defeza.

Partsipa mós iha enkontru ne'e mak: Diretór Geral Política da Defeza, Nuno Carvalho Santos, Diretór Geral Rekursu Defeza, Martinho Soares Moniz no Diretór Interino IDN, Guilherme Soares.

Média MD