Iha marjen Fórum Xiangshan ba dala 12, Sua Exelénsia Ministru Defeza Timor-Leste, Kontra-Almirante Donaciano do Rosário da Costa Gomes “Pedro Klamar Fuik,” Ph.D, hala’o vizita traballu ba Ospitál Jerál PLA (Ospitál Jerál Ezérsitu Libertasaun Populár) hodi hetan komprensaun direta kona-ba solusaun klínika no relevante ba futuru Ospitál Amizade Timor-Leste-Xina.

Doutor/a espesialista sira observa integrasaun endoskopia diagnóstiku no terapéutiku, esterilizasaun no fluxu serbisu seguransa pasiente nian, solusaun telemedisina, no protokolu formasaun klínika. Tuir mai, iha Sentru Konsulta Multidisiplinár, hatudu modelu konsulta integradu ho espesialidade oioin, sistema apoiu desizaun dijitál, no koordenasaun ekipa ba kazu kompleksu sira.

Durante vizita ne’e tomak, Ministru Defeza subliña importánsia husi prátika ospitál ne’ebé di’ak nu’udar baze atu adapta protokolu operasionál sira iha Timor-Leste.’foin lalais ne’e entre governu Timor-Leste no Repúblika Populár Xina, ne’ebé konfirma ona implementasaun Ospitál Amizade(Ospitál Militar) Timor-Leste-Xina – ospitál ne’e mais ou menus 100 kama resin, Akordu ne’e estabelese responsabilidade parte ida-idak nian no fornese, entre aspetu sira seluk, asisténsia téknika, lojístika, no formasaun ba profisionál saúde Timor-Leste nian’.

Ho vizita ida ne’e, Timor-Leste hakat tan pasu ida iha preparasaun téknika no operasionál ba futuru projetu ospitál nian, ho kapasidade resposta ba emerjénsia no dezastre sira.

Rekorda katak, iha okaziaun selebrasaun tinan 50 kriasaun FALINTIL nian, Governo Timor-Leste liu husi S. E. Ministro Defeza Donaciano Costa Gomes, Ph.D. ho Embaixadora Xina mai Timor-Leste asina protokolarmente ona ba doasaun hospital militar ne'ebé sei konstroi iha tempu badak.

Beijing, 19 Setembru 2025 

Média MD.