Ohin, tersa-feira 21 outubru 2025 – S. E. Ministru Defeza, Kontra-Almirante Donaciano Costa Gomes ‘Pedro Klamar Fuik’, Ph.D., hala’o audiénsia públika ho Comissão B Parlamento Nacional ne’ebé trata Assuntu Negósiu Estranjeiru, Defeza no Seguransa, iha Sal~ao Parlamento Nasional. 

Iha Audiénsia ne'e, S. E. Ministru Defeza, Kontra-Almirante Donaciano Costa Gomes aprezenta progresu sira servisu nian husi Ministériu Defeza no Instituisaun tuteladu sira ba Comissão B Parlamento Nacional. Aleinde ne'e, S. E. Ministru Defeza mós aprezenta progresu ezekusaun OGE 2025 husi Ministériu nian ho total 45 milhões ne'ebé atinji ona 61% no to'o tinan ne'e nia rohan sei atinji 94%. 

Orsamentu 2025 ne'ebé atribui ba Ministériu Defeza ne'e pretende ba área tolu importante mak hanesan: assuntu defeza nasionál, fortalesimentu institusionál no atividade ba géneru nian ba ita-nia militares feto sira ne'ebé bele tulun liu tan inan-feton sira atu dezenvolve ho efisiente no efikaz  liu tan ba programa no objetivu sira ne'ebé defini husi Nasaun Unidas no governu Timor-Leste.

Husi avaliasaun ba dotasaun OGE 2025 ne'ebé atribui ba Ministériu Defeza no Instituisaun tutelada sira ba tinan 2025, ne'ebé reprezenta de'it (1,8%). Ba tinan 2026, Ministériu Defeza, liu husi avaliasaun ba dezempeñu servisu sira pretende aumenta tan orsamentu ba 50 milhões ho reprezentatividade 2% husi Orçamento Geral Estado. 

Tamba Orçamento atribuido ba 2026, orçamento por programa nu'udar  prinsípiu IX-Governo nian, nune'e ba tinan oin OGE seu abrange programa lima ne'ebé importante mak hanesan: fortalesimentu ba Componente sira F-FDTL nian; fortalese Autoridade Marítima Nasionál; hametin kultura institusionál Ministériu nian ho instituisaun tuteladu sira;  transforma Institutu Defeza Nasionál ba Institutu Universitáriu da Defeza Nasionál no Assuntu kooperasaun iha Domínio Defeza nian iha nível Internasionál. 

Rekorda katak, Audiénsia Públika S. E. Ministru Defeza, Kontra-Almirante Donaciano Costa Gomes ne'e hetan akompañamentu husi Chefe Estado Maior das F-FDTL, Brigadeiro General José da Costa 'Trix', Diretór Geral Recurso Defeza ho nia estrutura, Diretor Interino IDN, Dr. Nuno Corvelho ho Estrutura. No partisipa máximu husi Deputado sira Comissão B Parlamento Nacional.

Média MD