Ministru Defeza husi nasaun-18 kongratula Timor-Leste iha ambitu reuniaun ASEAN Defence Timor-Leste Meeting ( ADMM ) no (ADMM) plus ne'ebé hahu husi loron sesta (31/10) no sábadu (01/11) iha Malázia foin lalais ne'e.

Ministru Defeza husi nasaun 18 ne'e hato'o kongratulasaun ba Ministru Defeza Timor-Leste Kontra-Almirante Donaciano do Rosário da Costa Gomes "Pedro Klamar Fuik", Ph.D., iha sesaun reuniaun ASEAN Defence Timor-Leste Meeting ( ADMM ) no (ADMM) plus.

Ministru Defeza nasaun 18 ne'ebé kongratula Timor-Leste mak Ministru Defeza husi Estadu membru Organizasaun Sudeste Aziátiku 10 hanesan, Malázia, Talándia, Indonézia, Myanmar, Laos, Kambodia, Filipina , Brunei Darussalam, Singapura, Vietname inklui nasaun ualu 8 seluk ne'ebé partisipa iha reuniaun ADMM-Plus hanesan Xina, Estadus Unidus Amérika, Austrália, India, Jepaun, Korea, Nova- Zelandia no Rusia.

Ministru Defeza nasaun 18 fó kongratulasaun ba Timor-Leste nia adezasaun ba ASEAN nu'udar Estadu membru Organizasaun Sudeste Aziátiku ba dala-11.

Rekorda fali katak, foin lalais ne'e iha loron 26 fulan-Outubru Timor-Leste sai ona nasaun membru plenu direta ASEAN ba dala-11 ne'ebé ofisialmente aprova no deklara iha simeira organizasaun nasaun Sudeste Aziátiku ba dala- 47 ne'ebé hala'o iha Kuala Lumpur Malázia.

Média MD