Minitro Defeza Preside Isár Bándéira Iha Ministério Interior

DILI: Iha loron 6 Agostu 2018 Ministru Defeza (MD) Brigadeiro Jeneral Filomeno da Paixão de Jesus prezide Isar bándeira iha Ministériu Interior (MI). Iha serimónia refere Ministru husu bá funsionáriu hotu tenke kumpri regras no lei Funsaun Públiku nian. Tuir Ministru Defeza nune’e mós interinu Ministru Interior ne’e katak, bá funsionáriu sira atu serbisu ho responsablidade disiplina no kumpri regras funsaun públiku nian. Brigadeiru Jeneral ne’e haktuir, polítika provízóriu bá oin sei halo alegasaun no kompeténsia alerta hodi tau matan bá iha F-FDTL ho PNTL nune’e mós parte imigrasaun hamutuk iha ne’e embora iha protesaun sivil no mós Sekretáriu Jeral bá protesaun sivil nian atu partilla.

“Ha’u hakarak fó hatene buat hotu katak, ha’u la lori militar nia maneira mai iha ne’e maibé hau eziji mak buat ida, buat ruma bá iha kotuk halo sabraut la tuir lei agora kedas muda no hau la admite dirijente sira iha ne’e halo sasan arbiru,” dehan Ministru Defeza báinhira prezide isár bándeira iha kna’ar fatin Ministeriu Interior, Vila Verde. Ministru ne’e haktuir liu tan katak, lei funsaun públiku no regulamentu hotu tenke implementa tuir lei haruka. Tanbá ne’e nia sei husu lista husi Sekretariu Estadu atu bele regista hikas ema no sasan atu uza ekipamentus tuir lei haruka. Ministru salenta tan katak, nia sei la admite atu funsionáriu sira kontra regra no lei ne’ebé mak vigora.

Ministru mós hateten katak, báinhira nia kaer pasta bá instituisaun Defeza, nia haree katak iha 45 funsionáriu no 11 kontratadu. Maibé nia sente hakfodak tanba iha kareta 42. Ne’e signifika katak, kuaze funsionáriu ida uza kareta ida. Ho kondisaun ida ne’e, aumenta pezu bá orsamentu governu, liuliu konbustivel no manutensaun. Nune’e, Ministro salenta tan katak, presiza hadia buat hirak ne’e tuir lei haruka, katak sei mak iha direitu atu kareta no se mak labele. Estadu ne’e to’o ohin loron moris ho despeza boot tebes, tanbá hahalok sira hanesan ne’e kona-bá kareta no komputador ekipamentus oioin idaidak uza tuir nia kompeténsia no kontrola pessoal no tuir fali mak kontrola ema.

Ministru husu bá parte diresaun no departamentu tenke kontrola funsionáriu tama ho oras sai mós ho oras báinhira atu sai tenke fo hatene razaun la’os sai tuir sira nia hakarak, pior liu mak kaer estadu nia kareta ho sai bá trata assuntu privadu. Tuir Ministru nia haree, durante tinan lima bá kotuk F-FDTL la’o sabaraut maibé ohin loron lao di’ak ituan no bá oin sei lao di’ak liu tanbá Timor estadu laos provínsia. Tanbá ne’e, bá oin tenke serbisu ho sériu no halo mudansa bá komportamentu. “Ita moris de’it ho osan mina rai no osan ne’e kada fulan tama tokon $.15 fahe bá ministériu hirak ne’e la to’o para atu gasta,” tenik nia.

 

Ho nune’e Ministru Defeza sei halo kontrola bá lista prezensa nune’e bele hatene sé mak falta, bolu atensaun hodi manda naran ne’e bá iha funsaun públiku. Ida ne’e mak Ministru eziji, liuliu bá kontrolu material, disiplina, efektividade, efisiensia no profesionál iha ita nia serbisu. Se hakarak hanesan ne’e, ita sei lao bá oin, laos eziji de’it bá F-FDTL no PNTL tenke la’o lós maibé funsionáriu públiku rasik la disiplina.

Kobertura: Ligia Noronha (Media MD)

Deskulpa - Komentariu ami Taka

error: Content is protected !!