Ministru Defeza Foun Sei Lori Progresu Di’ak

DILI: Diresaun husi Ministériu Defeza agradese tanbá periodu ida ne’e ema ne’ebé kaer pasta hodi lidera instituisaun ne’e mai husi ema militar rasik tan ne’e esperansa Ministru foun ne’e sei lori progresu serbisu di’ak.

“Ami iha esperansa foun ida, iha ministru bárak mak pasa husi ne’e mai ho ema sivil de’it agora dadaun ami hetan oportunidade militar ida mak mai ukun fali Ministériu Defeza ne’e katak nia hatene muitu ben saida mak ministériu ne’e iha no ministru mós preokupa bá kestaun sira ne’e,” dehan Diretór Nasionál Rekursu Humanu bá media MD iha nia knaar fatin Sesta (9/08/2018).

Nia dehan, la signifika nia hatene hotu ona iha ne’e iha mós hanoin katak ema laos hatene de’it, maibé nia estudu mós direitu no hatene prosesu lei sira ne’ebé agora dadaun iha ne’e. Maibé tenke serbisu iha ekipa hodi lori nasaun ne’e bá futuru ida ne’ebé diak liu, tanbá instituisaun ida ne’e serbisu iha forsa armadas nian atu diak ka at ne’e iha ne’e mak halo tanbá ne’e hatudu vontade serbisu hodi bele alkansa buat ida ne’ebé hakarak hodi lori forsa ne’e bá di’ak.

Iha fatin hanesan Diretór PEPI Martinho Maia Gonçalves hatete, Ministru laos ema husi liur maibé iha hela uma laran rasik tanbá ne’e espera ho nia kapasidade lideransa liu-liu ninia orientasaun polítika programa sei halo hamutuk iha ne’e atu nune to’o tinan lima bele lao ho di’ak.

“Ita iha ne’e sempre apoiu kualker planu kona-bá kestaun polítika ne’e ema polítika na’in sira mak hala’o ami prontu atu kolabora serbi instituisaun defeza forsa armadas tanbá ne’e ita nia nasaun lealidade pontu importante mak ita iha defeza ne’e mai ho esperitu ida nasionálizmu no patriotizmu husi ne’e mak ita bele serbisu metin liu tan,”dehan nia.

Diretór ne’e dehan, forsa nia misaun atu hanesan mós ho MNEK, nia mós iha papel bá diplomasia defeza, iha ne’e halo no iha konstituisaun haree rasik iha ne’ebá hetete ameasa eksterna ne’e forsa nia papel maibé forsa mós apoiu polítika eksterna nee iha konflitu ka dezastre naturais ruma, bele bá nasaun sira kona-bá ajuda humanitaria ho nasaun unidas nia bándeira bele bá apoiu estadu ho mós interese públiku ne’e,  mak forsa bele hala’o serbisu social,  bele halo serbisu bá humanitariu.

“Hau laos foin serbisu hamutuk ho Ministru hau tama iha momentu difisil ministru sei militar no sei kaer iha situsaun krize nian legalidade, sempre servisiu metin bá oin atu lori programa governu bá institusional nian bele implementa sasan hotu-hotu tuir ministru nia ukun, ita tenke iha integridade esperitu nasionálizmu legalidade,” tenik.

Tanbá iha ne’e laiha kor partidu ho nune’e kualker governu ne’ebé mai prontu servi ho integridade ho lideransa Ministru lori buat hotu ho susesu iha VIII governu nian.

 

Reportazem: Ligia Noronha

 

Deskulpa - Komentariu ami Taka

error: Content is protected !!