Garante Establidade Brigadeiru Jeneral Filomeno Paixão Hato’o Agradesimentu Bá Povu TL

DILI: Timor Leste kuaze tinan ida ho bálun ona moris ho situasaun inserteza polítika maibé establidadae nasaun ne’e lao di’ak tebes, tanbá ne’e Ministru Defeza no Ministru Interior Interinu agradese tebes bá maturidade povu sira nia kontribuisaun bá paz.

Ministru Defeza hatete, Kona-bá situasaun atual rai laran seguransa ho defeza laos situsaun normal, maibé ne’e, laos primeira ves mak akontes ne’e akontese iha nasaun bárak no husi dezenvolvimentu ne’ebe liu ona haree katak iha duni atraju bá nomeasaun ministru sira hodi kompleta VIII governu.

“Hau rasik akumula hela maibé haree husi prespektiva defeza no seguransa no aproveita oportunidade ida ne’e hau hakarak hatete bá komunidade sira nia kontribuisaun iha situasaun ne’e iha tinan ida ona mak ita moris nune’e, no sira ajuda tebes forsa seguransa hodi mantein establidade dame iha TL tomak,” dehan Brigadeiru báinhira iha program GMN grade entervista estudiu Bebora Segunda,(13/08/2018).

Brigadeiru Jeneral ne’e hatete, haree bá iha parte defeza no seguransa ne’e iha kontrolasaun liu-liu bá material sira ne’ebé iha, haree bá iha seguransa establidade ne’e ema hotu-hotu akompania espera situasaun ne’e lideransa sira husi parte opozisaun bele hetan dialogu nune’e bele sai husi impase polítika ida ne’e.

Kona-bá avaliasaun prova nee bá forsa F-FDTL ho Polisia Nasionál Timor Leste (PNTL) iha buat bárak ne’ebé presiza kompleta no planu bá forsa rua ne’e haree iha aspeitu rua ho nune’e husu bá governu Konsellu Ministru parte rua ne’e los ona ka lae no tuir polítika governu anterior ka lae se tuir mak tenke konsolida uluk lai buat sira ne’ebé agora iha ona.

“Ita halo planeamentu foun bá parte rua ne’e tenke iha prinsipiu rasionalizasaun no tama ona iha lei ne’e refleta polítika seguransa nasionál maibé ita hotu iha konsensus polítika sira ne’e tama iha ne’e ka lae,” tenik Brigadeiru.

Tuir nia katak, kada parte rua halo serbisu tenke iha kompletariadade katak idak-idak halao nia serbisu kuandu to’o tempu ruma governu presiza sira. Hanesan sidadaun normal forsa tenke hatene polítika no mós aprende vida social nian tanbá iha Timor adopta sistema demokrasia.

 

Kobertura: Ligia Noronha

Deskulpa - Komentariu ami Taka

error: Content is protected !!