Dada Kadoras Mina, Ministru Defeza Prontu Fó Seguransa

DILI: Esforsu Xefe Negosiador Prinsipal Fronteira Marítima Kay Rala Xanana Gusmão hodi dada kadoras mai Timor Leste iha ona serteja, tanba ne’e Ministru Defeza Brigadeiru Jeneral. Filomeno da Paixão de Jesus prontu fó seguransa hodi asegura liuliu liña fronteira.

Ministru Defeza no Ministru Interior Interino ne’e hatete, polítika defeza nian ba riku soin uluk kedas tau preoridade liuliu ba iha kosta súl no programa VIII governu nian nune’e mós konslida komponente naval. Tanba ne’e sei halo formasaun marítima ba instituisaun sira ne’ebé hola parte iha marítima hamtuk tau matan ba kosta Norte ho Súl.

Ministru ne’e dehan, orsamentu Jeral Estadu 2019 parte Ministériu Defeza no mós Interior sei haree ba parte área seguransa nian hodi bele dezenvolve FALINTIL-Forsa Defeza Timor Leste (F-FDTL) ho Polísia Nasionál Timor-Leste (PNTL).

“Ba forsa Armada nian ita tau atensaun espesial ida ba seguransa iha tasi Timor tanba investimentu ita sei halo iha kosta sul ita iha prespektiva atu kadoras mai Timor ita mós tenke hanoin ba oin oinsá mak ita bele fó seguransa,” dehan Ministru Defeza ne’e bainhira iha program grande intervista GMN Segunda-Feira (8/10/2018).

Nune’e mós tenke apoiu tan komponente Aéro ne’e laos buat todan ida tanba ne’e komponente Aéro tenke hamutuk ho naval hodi halo vizilansia no komponete naval halo oinsá para lao too súl.

“Ita iha hanoin atu konverse forsa rua ne’e iha sistema autoridade marítima ne’e mak sei utliza iha komponente naval no Polisia iha parte kosteiru hodi asegura riku soin, maibé kona-ba akipamentus hanesan ró iha sanulu (10) ne’ebé durante ne’e halo vizilansia,” tenik nia. Iha fatin hanesan Xefe Estadu Maiór FALINTIL-FDTL Majór Jeneral Lere Anan Timur hatete, komponente naval laos foin mak harii kleur ona miabé kestaun mak komponente ne’e sei menus rekursu humanu laos di’ak liu maibé maizomenus preparadu hodi halao nia knaar ka misaun ho seguransa iha tasi.

“Ami prontu naran governu kria kondisaun baa mi no ami sedauk iha hanoin atu halo tan buat foun kaundu ita la konsolida buat sira ne’ebé ita iha tiha ona,”tenik Xefe Estadu F-FDTL.

Maske agora dadaun iha ró China  4 kikoan 2 ho tan ró lansa rapidu 2 Korea 1 Portugal 2 maibé pasa ona ba reforma no Koreia nian mós agora iha ospital China nian ida duvida dehan katak lao no la lao kikoan rua ne’e so Dili Aatauru ba mai.

Maibe antes Ministru Defeza sei Militar sira koalia ona difikuldade komponente naval hodi krisaun pekenu nukleo Aéro atu bele apoia, naval iha difikuldade no agora governu estadu tenke konsolida buat ne’ebé iha labele mehi no hein de’it, tanba fronteira maritime klaru ona ho nune’e tenke satan netik buat ruma iha ne’eba atu labele hakat ba mai.

Aleinde ne’e mós Ministru Defeza planu ona iha Orsamentu Jeral Estadu 2019 (OJE) propoin atu sosa ró ahi ida tau iha kosta Súl. “ Orsamentu atu sosa ró ami propoin ona montante tokon U$.50, agora ita tenke hanoin ona iha parte norte ne’e ró hira maibe tenke halo operasaun laos tur hein de’it iha portu ne’eba ne’e labele,”dehan Ministru.

Maibé ba ró sira ne’ebé la lao tenke halo leilaun ba iha seitór agrikultura no peskas nune’e sira bele buka fali osan, maibe ba Súl iha ida de’it los ona.

Deskulpa - Komentariu ami Taka

error: Content is protected !!