PR Lú-Olo Fó Pose Bá Brigadeiro General Falur Rate Laek Nu’udar Vise Xefe Estadu F-FDTL

DILI: Prezidente Repúblika Francisco Guterres Lú-Olo iha loron 1 Outubru 2018 fó pose bá Domingos Raul “Falur Rate Laek” nu’udar Xefe Estadu Maiór Jenerál Forsa Armada.

Prezidente Repúblika liu husi diskursu katak, Brigadeiru Jeneral Falur Rate Laek, uluk hanesan asuwain funu na’in FALINTIL nian iha luta bá libertasaun nasionál, tanbá nia hanesan ofisiál ida ho kareira ida ne’ebé furak tebes hodi serve forsa Armada no nasaun.

Falur mós hanesan ema ida ne’ebé kualidade profesionál aas tebes hodi hala’o knaar komando no Estadu Maiór nian no matenek boot kona-bá realidade FALINTIL-FDTL liuliu iha diresaun no akompañiamentu bá kuartel Jeneral nia lala’ok ida ne’e katak nia iha kompetensia atu kaer knaar aas ne’ebé fó fiar bá nia.

“Tanbá ne’e mak ha’u hakarak hato’o ha’u nia votus susesu hodi hala’o ninia misaun,” dehan Xefe Estadu ne’e báinhira fó pose iha Palasiu Governu Segunda (1/10/2018).

Nia dehan, nu’udar Xefe Estadu no Komadante Supremu Forsa Armada sempre haka’as aan atu tane aas forsa Armada sira nia naran kmanek ho dignifikasaun tanbá konsidera nu’udar importante tebes hodi hametin koezaun no unidade estadu nian no haforsa identidade timoroan.

Iha fatin hanesan Xefe Estadu Maiór Jenerál Lere Anan Timur hatete, hanesan ema sidadaun ida hataudu nia bádinas serbisu no mós aten bárani durante tinan 20 resin hamutuk ho ninia asuwain sira seluk bárak ohin loron la hamutuk hodi fakar sira nia ran bá kazu independensia rai ida ne’e.

“Ha’u hanoin Brigadeiru Jeneral Falur Rate Laek sei hatudu kapasidade atu serbisu hamutuk hodi dezenvolve instituisaun Forsa Armada ho di’ak liután, ami na’in rua laos foin mak atu serbisu hamutuk maibé ami serbisu hamtuk kleur ona,” tenik nia.

Entertantu Vise Xefe Maiór Jeneral Forsa Armada Brigadeiru Jeneral Falur Rate Laek hatete, sente haksolok no mós tristeza tanbá báinhra hetan buat foun ida maske esperiénsia haksolok iha sentimentu ne’e mak hetan.

“Ami sira ne’e iha ami nia vida tomák moris iha tensaun ho nervoju báinhira ami nunka imajina atu mai iha pozisaun sira hanesan ne’e, maibé la’os fasil no la’os forsadu tanbá nesesidade de’it,” tenik nia.

Tuir nia katak, ne’e halo parte vizaun instituisaun nian ne’e define ona iha konstituisaun iha lei Defeza no seguransa nasionál to’o iha estatutu sira ne’ebé hakarak forsa ne’ebe sai hanesan kredivel kapas operasional ho disponivel atu hala’o misaun kualker momentu.


Kobertura:Ligia Noronha

Deskulpa - Komentariu ami Taka

error: Content is protected !!