Tempu Bádak Ministériu Defeza Sei Intrega Kareta Koziña Bá F-FDTL

DILI: Tempu bádak Ministériu defeza Brigadeiro Jeneral Filomeno da paixão de Jesus sei intrega kareta kozina ambulante bá kada komponente sira husi FALINTIL- Forsa Defeza Timor-Leste (F-FDTL) nian ne’ebé apoiu husi governu Xineza.

Ministru Defeza (MD) no Ministru Interior interinu (MI) ne’e hatete, kareta refere sei intrega direita husi komandu (F-FDTL) sei rezerva mós bá iha lojistika sentru formasaun Metinaru Dili.

“Kareta kozina ne’e hamutuk hitu (7) ne’ebé orasa ne’e para ona iha Kuartel Jeral F-FDTL iha Fatuhada no nia funsaun atu uza te’in bá soldadu sira no kada komponente bele te’in bá soldadu sira hamutuk na’in atus lima (500) iha situasaun emerjensia,” dehan Ministru Defeza bá jornalista sira báinhira informa servisu bá Prezidente Republika iha Palasiu Prezidensial Báirru-Pite Segunda, (10/09).

Brigadeiru ne’e mós akresenta, báinhira iha tempu emerjensia ruma sira mak te’in rasik hodi fornese alimentasaun bá soldadu tomák.  Alende ne’e Ministru ne’e mós informa, governu Xina mós apoiu tan material sira hanesan botas, fatin tau kilat, inklui lona bá iha F-FDTL doasaun hirak ne’e nia kustu mak ho montante maizomenus tokon $2.


Kobertura: Ligia Noronha

Deskulpa - Komentariu ami Taka

error: Content is protected !!