Ministru Defeza Lansa Ona Website Ministériu Defeza

DILI: Iha Segunda-Feira 22 Outubru 2018, Ministru Defeza no Ministru Interior Interinu Brigadeiru Jeneral Filomeno Paixão de Jesus akompaña husi Vise Xefe Estadu Maiór Jeneral F-FDTL Domingos Falur Rate Laek ho Komadante Jeral PNTL Komisáriu Julio Da Costa Hornay lansa ona serimónia sítiu Website hanaran www.defesa.gov.tl. Objetivu husi website ida ne’e atu fahe kona-bá serbisu ne’ebé Ministériu ne’e halo.

“Ha’u dehan ona katak iha estratézia militar balun labele fó sai ba públiku, maibé ba polítika ami tenke fó sai,” dehan Ministru ne’e liu husi diskursu bainhira halo lansamentu sítiu ne’e iha Salaun Aiditorium F-FDTL Fatuhada.

Tuir Brigadeiru ne’e katak, liu husi sítiu ne’e hakarak atu haree ba programa governu nian liuliu iha ministériu ne’e nian, kona-bá defeza nian mak oinsá atu defende suberania nasaun ne’e nian tanba iha Timor moris iha kontestu estratézia polítika tenke halis liu ba seguransa koperativa, rejional  no dok liu mak espasu estratéziku ne’e mak luzofonia hanesan CPLP no mós Uniaun Europeia.

Haree ba iha defeza diplomátika entaun tenke serbisu hamutuk ho Ministériu Negosíu Estranzeiru no Koperasaun (MNEK) hodi lori polítika ka hanoin ba liur hanesan ONU.

Iha serimónia refere hetan partesipasaun husi Vise Xefe Estadu Maiór Jeneral F-FDTL Brigadeiru Domingos Falur Rate Laek, Komaante Jeral PNTL Komisáriu Julio da Costa Hornay, no mós Adidu defeza husi Embaixada Indonezia, Portugal, Japan, China, Filipina no seluk tan.


Kobertura: Ligia Noronha

Deskulpa - Komentariu ami Taka

error: Content is protected !!