MD Husu Funsionáriu Defeza Tenke Unidade

DILI: Ministru Defeza Brigadeiru Jenderal (Ref) Filomeno da Paixão de Jesus husu ba funsionáriu Defeza hotu tenke unidade iha serbisu nune’e bele atinji buat di’ak iha tinan lima remata.

Ministru Defeza ne’e husu ba diretór sira atu kontrola funsionáriu tama tuir óras serbisunina, no ba parte administrativa nian atu labele pendente karta tanba nia praju labele liu loron 15 sé liu mak ministru rasik sei foti problema ne’e.

“Ha’u mai kaer pasta iha ne’e nu’udar ema independente tanba ne’e mak iha gabinete laos mai husi partidu AMP, maibé kualker partidu hola parte iha ne’e, imi iha ne’e tenke haree malu di’ak,”dehan Ministru ne’e banhira prijidi inkontru mensal iha Salaun Inkontru Ministériu Defeza, Kinta-Feira (8/11/2018).

Brigadeiru Jenderal ne’e hatete, maske ema kestiona kona-bá assessor ne’ebé ministru hatama barak ne’e tanba laos atu fó serbisu boot ba sira mak atu halo, ministru  mós iha serbisu barak atu halo.

Kona-bá kestaun ne’e Ministru Defeza esplika, iha forma rua presiza atu hatene mak forma lezislativa ida ne’e presiza duni assesor no forma estrutural ne’e ema sira ne’ebé uluk militar ona ida ne’e hodi haree tuir dezenvolvimentu F-FDTL no mós PNTL tuir duni maun boot Xanana ho maun boot Primeiru Ministru Taur Matan Rua hakarak ka lae?

Tanba ne’e buat ruma ba kotuk la’o la los karik mai hamutuk hodi hadi’a fali no ida ne’ebé  ladi’ak tenke soe ba kotuk ona.

Kobertura:Ligia Noronha/Gill Barros

Deskulpa - Komentariu ami Taka

error: Content is protected !!