MD Relata Progresu Servisu Ba PR

DILI: Ministru Defeza no Ministru Interior Interinu Brigadeiro General (Ref) Filomeno da Paixão de Jesus iha Kurta Feira ohin relata progresu servisu ba Prezidente Repúblika Dr. Francisco Guterres Lú-Olo.

Ministru Defeza ne’e hatete, ida ne’e asuntu rutina kada fulan tenke mai informa ba Prezidente Repúblika kona-bá dezenvolvimentu no evolusaun iha forsa Armada, Polísia, Ministériu Interior no mós Ministériu Defeza nian.

“Ha’u mai informa kona-bá reforma lejislativa relasiona ho revizaun estratézia Polísia Nasionál Timor Leste nia misaun lolos mak saida ba F-FDTL ne’e klaru ona,” dehan Ministru ne’e bainhira hasoru malu ho Prezidente Repúblika iha knaar fatin Palasiu Prezidensiál Bairu Pite Kuarta (14/11/2018).

Tuir Ministru ne’e katak, revizaun ne’e sei lori ba to’o iha Parlamentu Nasionál (PN), tanba hakarak la’o tuir planu estratéjiku dezenvolvimentu 2011-2030 ho konseitu seguransa 2016.

Tanba hakarak haree lolos polísia ne’e tenke fó enfáze ba iha polisia komunitarária hodi kontola komunidade.

Ho nune’e iha VIII governu tau ona orsamentu hodi investe iha parte rodaviariu, Imigrasaun no Tranzitu parte tolu (3) ne’e mak bele hatama osan.

Aleinde ne’e Ministru Defeza informa, kona-bá kadernizasaun ba PNTL ne’e hahú iha Dezembru 2018, tanba kursu ida ne’e sei fó ba kuadru ofisiais PNTL. Nia salenta tan katak, selesaun ba kursu ofisias sira ne’e sei selesiona husi membru PNTL ho nível sarjentu no tenke iha lisensiatura.

Kobertura:Ligia Noronha/ Gill Barros

Deskulpa - Komentariu ami Taka

error: Content is protected !!