F-FDTL-PNTL Implementa ona Planeiamentu Integradu

DILI: Dezenvolvimentu ba FALINTIL – FORSA DEFEZA TIMOR LESTE (F-FDTL) ho Polísia Nasionál Timor-Leste (PNTL) implementa ona planaementu integradu signifika forsa rua ne’e atu kompleta malu.

Ministru Defeza no Ministru Interior Interino Brigadeiru Jeneral (Ref) Filomeno da Paixão de Jesus hatete, Polítika ida ne’e atu halo poupansa ba orsamentu nune’e bele koloka fali ba setór sira seluk.

 “Kauza mak sustentablidade ita moris ho plafon ita nia osan ituan tenke haree mos ba área seluk hanesan Agrikultura, Saude, Edukasaun,”dehan Ministru bainhira hasoru malu ho Prezidente Repúblika Francisco Guterres Lu-Ólo iha knaar fatin Palásiu Prezidensiál Bairo-Pite Tersa-Feira (29/01/2019).

Eis Vice Xefe Estadu F-FDTL Brigadeiro Jeneral ne’e hatete, planeamentu ne’e para atu poupa osan labele iha mariña rua labele iha forsa fronteira rua no labele iha forsa espesiais rua repete hodi halo saida ne’e no atu tiru malu ho se.

Tuir Ministru katak, ida ne’e importante bainhira forma forsa tenke kompleta malu, Polísia hala’o nia servisu to’o pontu ida nia labele forsa tenke suporta. Tanba lei seguransa hatete kuandu polísia labele estadu hatete forsa kompleta ne’e estadu nian, bainhira liman karuk labele los ajuda ne’e mak F-FDTL ho PNTL laos halo fali forsa rua ne’e hanesan osan iha ne’ebé atu fohan sira.

“Komesa ohin S.E Señor Primeiru Ministru ho Prezidente Repúblika orientasaun ida de’it ba planeimentu integaradu ne’e komplementar lao hamutuk para ajuda malu lori seguransa internu no ekesternu ba iha povu Timor Leste.

Aleinde ne’e mós Ministru ne’e akresenta, kona-bá profesionál ne’e tenke matenek kontinua aileba profesionál la di’ak.

“Iha F-FDTL hahú husi 2008- 2011 ita halo profesionalizasaun ba ita nia fatin atu sai alfereris tenke lisensiatura lae mak tenke akademia militar para koalia ba sambung lae koalia ba fiu kotu,”tenik Eis Vice Xefe Estadu F-FDTL.

Kobertura: Ligia Noronha/ Gil Barros

Deskulpa - Komentariu ami Taka

error: Content is protected !!