MD-XEMJFA (F-FDTL) Hetan Vizita Kortezia Husi Tanente Jenerál Japan

DILI: Ministru Defeza no Ministru Interior Interinu Brigadeiru Jeneral (Ref) Filomeno da Paixão de Jesus ho Xefe Estadu Maiór Forsa Defeza Timor Leste (F-FDL) Maijór Jeneral Lere Anan Timur hetan vizita kortezia husi Vice Xefe Estadu Forsa Defeza Japan Tanente Jenerál Señor Takashi Motomatsu.

Objetivu husi Vizita refere tanba atu hametin liu tan lasu amijade entre país rua ne’e hodi dezenvolve forsa ne’e di’ak liu tan iha futuru.

Iha Vizita kortezia ne’e Ministru Defeza hatete, apresia tebes ohin bele hasoru malu ho Tanente Jenerál Japan nian hodi bele kopera malu di’ak liu tan liu-liu iha área militár nian, no Japan ho TL laos foin mak halo koperasaun maibé iha antes ne’e kopera servisu hamutk ona.

“Ha’u kontenti tebes tanba durante ne’e governu Japan mós oferese formasaun akademia militar ba forsa timoroan sira, balun remata ona no balun sedauk maibé rezultadu mesak di’ak tebes,”dehan Ministru iha nia knaar fatin Fatuhada Sesta-Feira (1/02/2019).

Brigadeiru Jeneral (Ref) ne’e husu ba bainaka Tanente Jenerál Japan bele loke tan oportunidade atu ofisiais sir abele ba halo estudu komparativu iha ne’eba, maibé se bele ba fasilita tan funsionáriu sira husi Ministériu Defeza hodi ba aprende tan área finansas rekursu humanu no seluk tan.

Xefe Estadu Maiór F-FDTL ne’e hatete, ofisiál ne’ebé mai husi Japan ne’e tanba Timor Leste mak konvida hodi mai partesipa loroan aniversáriu transformasaun F-FDTL ne’ebé sei realiza aban loron 2 Februariu 2019 no aban mós sei iha tan bainaka husi Jeneral husi Indonezia nian.

“Ita nia konvite ba sira hansan mos sinal pozetivu iha futuru mai konsolida ita nia relasaun entre país nasaun rua no futuru hodi konsolida tan koperasaun tékniku Militár, tanba ita hotu hatene ohin loron ita iha formandu akademia militar kuaze sanulu resin mak Japaun prepara balun hotu ona no balun mak sei la’o hela,”dehan Xefe Estadu Maior ne’e iha knaar fatin Kuartel Jeneral Fatuhada.

Ho nune’e Japan prontu nafatin hodi apoiu F-FDTL hodi dezenvolve no profesionaliza maibé antes atu haruka forsa sira ba tenke kursu uluk lai lingua Japan nune’e bele fasil ba sira. kobertura: Lygia Noronha/Gil barros

Deskulpa - Komentariu ami Taka

error: Content is protected !!