MD Informa Dezenvolvimentu F-FDTL- PNTL Ba PR Lú-OLo

DILI: Ministru Defeza no Ministru Interior Interinu Brigadeiru Jenerál (Ref) Filomeno da Paixão de Jesus iha Tersa-Feira 12 Marsu 2019, informa dezenvolvimentu FALINTIL-Forsa Defeza Timor Leste (F-FDTL) ho Polísia Nasionál Timor Leste (PNTL) nian ba Prezidente Repúblika Dr. Francisco Guterres Lú-Olo.

“Ohin ha’u mai koalia liu kona-bá reforma iha F-FDTL ho PNTL ita haree konseitu estratézia 2016 hatete polísia agora sei komunitária laos polisia robusta ida ne’e mak ohin koalia fiksu ho Prezidente Repúblika politika ida ne’e mak sei hala’o ba oin, nune’e mós ho revizaun sira uluk ha’u temi ona nivél estratézia militár no ba polísia nian,”dehan Ministru ba jornalista sira bainhira hato’o relatóriu Serbisu nian ba Prezidente Repúblika iha knaar fatin Palásiu Prezidesiál Bairo-Pite.

Iha biban ne’e mós Ministru relata, kona-bá autoridade marítima ne’ebé sei involve ministériu sira ne’ebé relevante ba kestaun tasi no seguransa marítima nian.

Tuir Ministru, autoridade marítima refere sei submete ba iha estrutura Ministériu Defeza nian.

“Tuir planu sei tau brigadeiru ida  hodi haree kona-bá dezenvolvimentu marítima nian no iha tinan ida ne’e sei halo instalasaun ba ninia eskritóriu iha defeza,”tenik Brigadeiru Jenerál Ref ne’e.

 S.Exa Ministru dehan, primeiru mak tenke kaer prinsipiu rasionalizasaun komplementaridade Polísia no F-FDTL hodi serbisu hamutuk iha área tasi nian.

 Aleinde ne’e mós Ministru Defeza no Ministru Interior Interinu ne’e informa, kona-bá pakote kandidatura ba Komadante Jerál PNTL nian iha nia meza agora pakote rua tenke deside ida de’it hodi lori ba iha konsellu Ministru.

 “Ha’u tenke tetu didi’ak haree fila fali sira nia lista iha polísia ida ne’ebé priense duni kondisaun atu bele sai Komisáriu ida ne’e mak ha’u bele lori ba leten ha’u lori pakote ida de’it labele rua,”dehan Ministru.

Minstru Defeza ne’e hatete, ba pakote ne’ebe hili ne’e nia tenke ba uluk lai superentidente Xefe kuandu iha tropa karik tenke koronél tenke iha kursu pelu menus iha defeza no seguransa ida ne’e importante, komisariu tenke hatene konseitu saida mak defeza no seguransa nune’e deside.

Kobertura: Ligia Noronha/Gil Barros

Deskulpa - Komentariu ami Taka

error: Content is protected !!