Komisaun B (PN) Bolu MD-SEJT Esplika Situasaun GAM Iha TL

DILI: Komisaun B Parlamentu Nasionál ne’ebétrata asuntu defeza no Seguransa iha Kinta-Feira 14 Marsu 2019 bolu Ministru Defeza no Ministru Interior Interinu ho Sekretáriu Estadu Juventude no Desportu (SEJT) inklui Komadante Jerál Polísia Nasionál Timor-Leste (PNTL) hodi esplika kona-bá situasaun grupu artemarsiais (GAM) iha Timor-Leste.

Iha biban ne’e Ministru Defeza no Ministru Interior Interinu Brigadeiru Jenerál (Ref) Filomeno da Paixão de Jesus hatete, komisaun B hakarak rona esplikasaun detallu husi Komisaun Regulador Arte Marsiais (KRAM), ho
Ministériu Interior no Ministériu Defeza kona-bá seguransa iha Dili tantu munisipíu korelasaun ba movimentu atividade halo husi GAM ne’ebé halo problema.

“Kona-bá atu reativa fila fali sei haree ba lei no GAM sira ne’ebé taka ona sira nia asaun durante  ida ne’e sei tetu tanba ne’e sei kleur  laos desizaun atu halo lalais,”dehan S.Exa Ministru Defeza ba jornalista sira bainhira hala’o inkontru iha Parlamentu Nasionál.

 Tuir relatóriu ne’ebé KRAM aprezenta di’ak tebes no klaru nune’e mós Komandante Jerál informa mós kona-bá atuasaun element GAM sira ne’ebé halo krimi hodi rona fila fali Señor deputadu sira.

S.Exa Ministru Defeza haktuir, koalia kona-bá artemarsias halo krimi ne’e lae, maibé ne’e ema mak halo arte marsiasi ne’e buat maten ida.

 Tanba ne’e  tenke identifika hodi hare ema ne’e sé mai husi ne’ebé no nia halo ne’e nia dirijente hatene ka lae ou keta nia mai uza fali artemarsiais nia naran mak hodi halo krimi, buat sira ne’e hotu iha estudu no konsiderasaun liu liu ba iha KRAM mak agora halo estudu profundu ba ida ne’e sira halo ona rekomendasaun balun maibé estudu ne’e kontinua nafatin.

“Ami iha ona planu sei tau forsa task force ida mak sei halo ida ne’e sei hasae rekomendasaun ba governu ba konselu ministru hodi halo desizaun final,”tenik Ministru.

Iha fatin hanesan Prezidente Komisaun B Señor Aderito Hugo hatete, bolu komisaun KRAM atu informa ba deputadu sira kona-bá serbisu komisaun ne’e nian durante ejistensia tinan 10 nia laran sira halo serbisu lobu ida dadus detallu husi baze kada problema akontese desizaun sira ne’ebe lori ba governu anterior hodi hapara bandu GAM balun no ejiji GAM ne’ebe la bandu atu prense rekejitu sira tuir lei numeru 5/2017.

Tuir Prezidente Komisaun B ne’e katak, aprezentasaun ohin detallu iha progresu, maibé iha problema ituan mak kondisaun serbisu mezmu ejisti ona tinan 10 maibé  sira infrenta hela problema barak liu iha kondisaun traballu ladun apropriadu. Sira nia serbisu di’ak kumpri regras no implementa mós regras anterior.

Konaba atu reativa ba GAM  tolu (3) ne’ebé taka rezimi sira estabele ona dezde 2009 too 2017 ne’e fó espasu ba organizasaun sira ne’ebé seda’uk rejista atu rejista nune’e bele priense rekejitu, tanba nasaun ne’e iha prinsipiu ida estadu direitu demokrtatíku soberanu.

 Ho nune’e tenke reguladu tuir lei tanba ne’e organizasaun hotu hotu iha direitu atu asesu tenke hakruk ba regras, tanba estadu tenke kontrola liberdade sira ne’ebé iha nune’e labele perturba ema seluk nia direitu sistema no regras kompletu agora hein deit mak implementsaun ne’ebé rigor.

Kobertura: Ligia Noronha/ Gil Barros

Deskulpa - Komentariu ami Taka

error: Content is protected !!