Ministru Defeza Aprezenta Rezolusaun Governu, Kona-ba Vistu Turizmu Sidadaun Indonézia

DILI: Ohin Kuarta-Feira 24/-7/2019 Ministru Defeza no Ministru Interior Interinu Brigadeiru Jenerál (Ref) Filomeno da Paixão de Jesus, aprezenta rezolusaun governu ne’ebé hetan ona aprovasaun husi Konsellu Ministru (KM) iha Palásiu Governu, kona-ba dispensa vistu turizmu nian ba iha sidadaun Indonézia.

Objetivu husi rezolusaun ida ne’e atu hametin liu tan koopersaun ekonómiku no atu hasa’e reseita husi turizmu tranfronteirisiu atu kombate kiak no rezultadu oportunidade ekonómiku  foun hodi hasae reseitas.

Ho nune’e iha implementasaun memorandu entedimentu entre Timor-Leste ho Indonézia hamutuk mós ho banku Aziátiku Dezenvolvimentu iha relasaun kona-ba assisténsia téknika ba komérsiu transfronteirisiu no koopersaun.

Iha parte seluk mós preparasaun husi integrasaun ba ASEAN liu husi koopersaun ne’ebé bo’ot ho nasaun viziñu iha futuru, no apoiu ba iha kresimentu no diversifikasaun ekonóminku.

tanba ne’e Konsellu Ministru mós fó poder tomák ba Ministru Defeza atu hala’o asinatura ba Momorandu Entedimentu iha ho Ministru Defeza Japaun kona-ba koopersaun ba edukasaun no formasaun iha área asisténsia humanitarian no operasaun sokorru bainhira mosu dezastre.

Kobertura: Ligia Noronha/ Gil Barros

Deskulpa - Komentariu ami Taka

error: Content is protected !!