TL Festeza Loron FALINTIL Ba Dala 44, MD Esforsu Dezenvolve F-FDTL

DILI: Timor-Leste ohin festeza loron FALINTIL nian ba dala 44 hodi hanoin hikas fila fali asuwain sira nia luta ba ukun rasik an, tanba ne’e Ministru Defeza no Ministru Interior interinu sei esforsu hodi dezenvolve Falintil-Forsa Defeza Timor-Leste (F-FDTL).

Ministru Defeza Brigadeiru Jeneral (Ref) Filomeno da Paixão de Jesus hatete, dezenvolvimentu lao neneik maibé sei la’o nafatin no bebeik agora sei infrenta difikuldade barak hanesan oinsá atu moderniza forsa militar, maibé iha ona estratéjia foun no iha fulan Setembru 2019 sei hasa’e ba konsellu ministru hodi lori ba Parlamentu Nasionál hala’o deskusaun.

“Tuir ha’u nia polítika no Polítika governu anterior nian sei kria tan kompenenete Aero, ita halo lai konsolidasaun  neneik agora ita taka malu ita halo ona halo metin liu tan ne’e signifika tenke nesesidade bazíku sira hotu ne’e mak uluk hotu mak avansa ba iha difisil,”dehan Ministru Defeza ba jornalista sira iha Kuartel Jenerál Fatuhada, Tersa-Feira (20/08/2019).

Tanba Polítika governu nian atu tau tan kompenente boot laos atu ba funu maibé iha komponente ne’ebé multifunsaun laos lori forsa espesiáal naran ba koloka iha fatin  sira kuandu nesesidade obriga.

Governante ne’e esplika, agora komponenete Aero ho Naval tenke hamutuk lai hodi fó atensaun ba kontrolu marítima iha Kosta súl, tanba Kosta súl to’o agoa sedauk halo kontrolu.

Aleinde ne’e ministru mós informa kona-ba reforma agora haree fila fali estatutu militár F-FDTL nian atu haree oinsá atu haruka sira ba iha reforma maibé sei koordena ho ministériu relevante sira.

Kobertura: Ekipa MD

Deskulpa - Komentariu ami Taka

error: Content is protected !!