Portugal Prontu Apoiu TL Área Militár

DILI: Governu Portugal liu husi ninia Ministru Defeza Sr, Dr. João Gomes Cravinho hala’o reuniaun bilaterál ho Ministru Defeza no Ministru Interior Interinu Brigadeiru Jenerál (Ref) Filomeno da Paixão de Jesus hodi partilla hanoin hamutuk kona-ba futuru forsa militár, tanba ne’e Portugal pronto fó apoiu hodi dezenvolve forsa F-FDTL.


“Ami koalia liu kona-ba kooperasaun entre defeza militár Timor nian no Portugal, ha’u hato’o ona kestaun balun no Portugal sira prontu no hakarak tebes atu fó apoiu ba forsa militár liu liu iha área kapasitasaun rekursu umanu,” dehan Ministru Defeza no Ministru Interior Interinu ba jornalista sira iha knaar fatin Ministériu Defeza Fatuhada, Kinta-Feira (29/08/2019).


Governante ne’e informa, iha enkontru ne’e iha pontus prinsipal mak apoia estrutura defeza no F-FDTL, apoia kompenente Terestres, Naval no Formasaun ba treinu operasionál, formasaun ba IDN apoia institute Universitariu Militár no seluk tan ne’ebé relasaun iha área defeza nian, tanba durante ne’e Portugal mós fó apoia kuaze diáriu ba forsa sira maibé ba iha 2020 sira prontu mobeliza sira nia tékniku meritu ba iha rekrutamentu forsa.

Kobertura: Ligia Noronha/ Gil Barros

Deskulpa - Komentariu ami Taka

error: Content is protected !!