PM Bolu MD Deskute Seguransa FM

DILI: Primeiru Ministru (PM) S.Exa Taur Matan Ruak bolu Ministru Defeza no Ministru Interior Interinu Brigadeiru Jenerál (Ref) Filomeno da Paixão de Jesus hodi koalia liu kona-ba Fronteira Marítima nian ne’ebé agora define klaru ona.

Ministru Defeza no Ministru  Interior Interinu hatete, kona-ba seguransa tenke hanoin mós meius  ba forsa marítima no autoridade marítima tenke prepara an hodi bele fó seguransa ba tasi. Maibé governu mós iha ona planu tinan oin 2020 sei sosa ró ida hodi fó ba autoridade, ró ne’ebé sei sosa  ho tipu pakote ne’e kompletu ho manutensaun.

“Señor Primeiru  Ministru mak bolu ha’u mai enkontru para koalia kona-ba seguransa fronteira marítima, tanba fronteira marka los ona agora ita tenke hanoin ona seguransa ba parte ne’ebé tama ba ita nian,” dehan Ministru Defeza ne’e  ba jornalista sira bainhira remata enkontru iha Palásiu Governu Segunda-Feira (2/09/2019).

Kona-ba orsamentu Ministru sedauk hatene tanba sei tur hamutuk fila fali ho Prezidente Konsellu Ministru Sr. Agio Pereira depois sei envolve mós minitériu sira ne’ebé tutela hodi bele halo deskusaun klean liu tan hodi rekomenda ba konsellu Ministru.

Ho nune’e Konsellu Seguransa hatete ona  komponente Naval hanesan guarda kosteira ida ne’ebé fó de’it seguransa ba área marítma. Aleinde ne’e kon-ba Ezekusaun Orsamentu Jerál (OJE) 2019 Minstru Defeza ne’e informa, ezekusaun orsamentu ba Ministériu Defeza no Ministériu Interior nian atinji ona 50 Porsentu(%) ezekuta ba saláriu vensimentu, kapitál menór ba terseiru semtre.

Konaba-ba program preoridade 2020 Ministeriu defeza nian mak liu liu infrastutura, formasaun rekursu humanu, no mius ekipamentus ba iha autoridade maritima.

Kobertura: Ligia Noronha/Gil Barros

Deskulpa - Komentariu ami Taka

error: Content is protected !!