PM Bolu MD Tau Atensaun Ba Kosta Súl

DILI: Primeiru Ministru Taur Matan Ruak iha Kinta-feira (26/09/2019)  bolu Ministru Defeza no Ministru Interior interinu atu tau atensaun ba Kosta Súl ne’ebé defeni klaru  iha loron 30 Agostu foin lalais ne’e liu husi troka nota entedimentu entre Austrália ho Timor-Leste.

“Primeiru Ministru bolu ha’u atu informa kona-ba enkontru ne’ebé foin lalais hala’o ho Ministra Defeza Austália iha Portu Dili, nune’e mós ba iha autoridade marítima fokus liu ba iha kontrola kosta súl,” dehan Ministru Defeza no Ministru Interior Interinu Brigadeiru Jenerál (Ref) Filomeno da Paixão de Jesus ba jornalista sira bainhira hasoru malu ho Primeiru Ministru iha Palásiu Governu.

Governante ne’e akresenta, ho Austrália ida ne’e agora dadaun ekipa tékniku hamutuk ho jurista sira hala’o hela estudu hodi oinsá mak bele halo kontrolu ba iha área refere.

Tanba patrulla laos halo de’it iha tasi mane maibé haree mós ba iha Aero, ho nunue’e agora haree hela modalidade ne’ebé di’ak liu, maibe tenke haree mós ba iha lejislasaun bainhira hetan ema ilegal ruma ne’e Austrália mak kaer ka Timor ida ne’e tenke iha lei ka dekretu lei nune’e hodi autoriza.

“Buat sira ne’e laos lalais hanesan ita hanoin Ministra Defeza Austrália hakarak iha Dezembuir nia laran maibé konforme ita haree lai lejislasaun ne’e lao oinsá,”tenik Ministru.

Kona-ba orsamentu ba kosta súl la tau ba iha ministériu Defeza nia orsamentu, maibé ne’e  sei sai husi Primeiru Ministru nia gabinete.

Kobertura: Ligia Noronha/ Gil Barros

Deskulpa - Komentariu ami Taka

error: Content is protected !!