Komisaun Rekrutamentu F-FDTL Desloka Ba Teritorium TL

DILI: Komisaun Rekrutamentu Konjuntu husi Ministériu Defeza no FALINTL-Forsa Defeza Timor-Leste (F-FDTL) ohin Segunda- feira 25/11/2019 desloka ona ba iha teritorium Timor-Leste hodi destribui formuláriu vaga rekrutamentu ho totál rihun 11.00 ba kandidadtura membru F-FDTL ne’ebé hamutuk na’in 600.

Prezidente Komisaun Colonél Calistro Santos Coli “Coliati” hatete, Ministériu Defeza prepara ekipamentus hodi tuun ba iha terenu hala’o serbsiu ne’ebé determina ona ba iha komisaun rekrutamentu. Ida ne’e hanesan faze dahuluk ba komisaun sira imi nia misaun mak ba fahe formulariu no laiha tan polítika seluk atu hala’o, bainhira iha terenu mak iha duvida ruma relasiona ho numeru ne’ebé fó sai katak kada suku iha formulariu 25 maibé ida ne’e sei iha fleksiblidade ba ekipa atu hola desizaun.

“Ida ne’e la signifika ita mate ho 25 formulariu kada suku ida ne’e hanesan kritéria baze sé karik iha nesesidade suku ida atu bele hetan too 50 formuláriu ekipa tenke fó,”dehan Prezidente Komisaun ne’e ba jornalista sira bainhira hala’o abertura ba deslokasaun ekipa iha Salaun Auditorium Fatuhada.

Tanba atu tama ka latama kriteria mak sei determina sé mak priense kritéria ida ne’e mak sei fó oportunidade atu nia tama mai hodi konkore hodi hetan pozisaun ba numériu 600.

Prezidente komisaun ne’e mós husu ba ekipa sira atu hatudu nafatin profesionalizmu no komportamentu iha terenu, tanba ne’e mak sei determina ba susesu iha misaun iha ne’eba mak sei hatudu imajen forsa armada no ministériu atu serbi interese povu no nasaun ida ne’e.

Iha fatin hanesan Vise Prezidente Komisaun Nuno de Carvalho dos Santos hatete, komisaun haruka ba atu serbisu hamutuk ho komunidade lokal sira presta dedikasaun iha ne’eba misaun ne’ebé fó ba imi tenke kumpri.

“Tanba ita boot sira lori ekipamentu estadu atu ba halo seguransa ba ita boot sira nia an no mós ba materiál sira ne’ebé lori ba atu fahe ba ita nia komunidade joven sira nune’e mai sai hanesan membru mós ba instituisaun ne’e, tanba ne’e husu ba ita boot sira atu disiplina iha terenu nune’e labele hetan fali keisa ruma,”tenik Vise Prezidente Komisaun ne’e.

Vise Prezidente ne’e apela ba komunidade relasiona ho formuláriu ne’ebé limitadu kada suku iha 25 de’it, maibé agora aumenta tan ona no  formuláriu sei too hotu ba imi joven sira tanba nasaun agora presiza tebes imi,  tanba ne’e kalma labele halo problema tanba sei laiha deskriminasaun.

Vise ne’e informa, apartir loron 12 Dezembru se mak sedauk hetan formuláriu bele mai direita iha Ministériu Defeza hodi mai foti formuláriu hodi imi bele aplika no sei ladehan taka dalan ba ema ida.

Kobertura: Ligia Noronha

Deskulpa - Komentariu ami Taka

error: Content is protected !!