Ministru Informa Situsaun Defeza- Seguransa Ba PR

DILI: Ministru Defeza no Interior Interinu Brig-Gen (Ref), Filomeno da Paixão de Jesus, iha Tersa-feira 3/12/2019 informa situasaun Defeza no Seguransa nian ba Prezidente Repúblika Dr. Francisco Guterres Lú-Olo iha Palásiu Prezidesiál Bairo-Pite.

Ministru Defeza ne’e hatete, tanba iha preokupasaun barak ne’ebé oras ne’e akompaña kona-ba autoridade marítima iha kosta súl, haree ba iha seguransa nian oinsá mak atu halo partrolimanetu hamutuk ho parte Austrália nian iha tasi nomós iha Lalehan.

“Konseitu husi Defeza ita haruka ona ba iha gabinete Primeiru Ministru nian agora sira halo hela estudu, depois sei hasa’e ba iha Prezidente Repúblika nia pontu de vista oinsá, ida ne’e ita koalia kona-ba autoridade marítima,”dehan Ministru Defeza bainhira entervista ho jornalista sira.

Iha oportunidade ne’e mós koalia kona-ba polísia nian kona-ba kontrolu sidade Dili, no ba iha Polísia komunitária, tranzitu no oinsá mak ba oin bele halo serbisu di’ak liutan iha área ida ne’e.

“Ha’u hanesan Ministru Interior ha’u fó ona serbisu ba iha Komando Jeral hodi haree ba krimi sira ne’ebé mosu, ”tenik Governante ne’e.

Tanba serbisu polisia nian atu halo prevensaun iha fatin ne’ebe labele ona mak ne’e mak foin halo reasaun. Maibé, durante ne’e laiha ona keisa tanba polisia nia reasaun kapas.

Tanba ne’e tenke aumenta tan membru polísia, maibé sei hadia lai lejislasaun, kadeia komando, disiplina, konserteza tenke aumenta tan polísia, maibé haree mos ba osan buat sira ne’e tetu hotu depois haree ida ne’ebé mak preoridade.

Kobertura: Ligia Noronha/ Gil Barros

Deskulpa - Komentariu ami Taka

error: Content is protected !!