Indonézia Estabelese Kooperasaun Ho TL Iha Área Defeza

DILI: Indonézia hanesan nasaun viziñu no belun di’ak ho Timor-Leste, tanba ne’e sira hakarak estabelese kooperasaun iha Área Defeza, hodi dezenvolve forsa armada sai forsa ne’ebé profesionál liutan.

 Almirante TNI Naval Sr. Harjo Susmoro ho nia kometiva hala’o vizita kortezia mai Ministru Defeza Brig-Gen (Ref) Filomeno da Paixão de Jesus, no vizita mós Xefe Estadu Maijór F-FDTL, Jenerál Lere Anan Timur, iha sala kortezia Ministeriu Defeza Fatuhada.

Almirante ne’ebé mai Timor-Leste ho ró militár  Indonézia ho naran Kri Sultan Usman-359 no Kri Sultan Muda-367, akumula membru hamutuk 250,  too Portu Dili iha loron Kuarta-feira horsehik dadér.

Tanba ne’e mak ho sira nia inisiativa rasik hakarak mai vizita hodi hakarak atu estabelese kooperasaun ho Timor-Leste.

“Maibe antes ne’e ita halo uluk ona ho sira ne’e mak hanaran “inamor “ne’e ita haruka ita nia forsa sira ba aprende kona-ba lojistika, trenu oioin iha ne’eba maibé iha ne’eba Aero nia, no agora tasi mos hakarak halo hanesan ne’e,”dehan Ministru Defeza liu husi entervista, bainhira hasoru malu ho bainaka iha knaar fatin, Kinta-feira, (12/12/2019).

Ministru dehan, atu estabele kooperasaun ho forsa naval ida ne’e mak presiza haree lai prosedimentu, atu kontinua ka halo foun fali prosedimentu sira ne’e, tanba sira prontu atu fó apoiu formasaun sira hanesan ezersisiu konjuntu, haree data hidrografi kona-ba tasi nian.

Aleinde ne’e ministru akresenta mós, kona-ba kosta súl ida ne’e agora Timor-Leste halo ona ho Austrália konserteza buat ne’ebé Timor hakarak aban bainrua sei halo mós, maibé bainhira laiha meius sei haree tok, tanba TL mos baliza ho Indonézia área osidente ho Oriente buat sira ne’e sei mai tau hamutuk oinsá mak bele estuda kooperasaun tasi nian.

Kobertura: Ligia Noronha / Gil Barros

Deskulpa - Komentariu ami Taka

error: Content is protected !!