PR Lú-Olo Bolu Atensaun F-FDTL-PNTL Asegura Seguransa

DILI: Ohin Prezidente Repúblika Dr. Francisco Guterres Lú-Olo, bolu atensaun ba FALINTIL-Forsa Defeza Timor Leste (F-FDTL) ho Polísia Nasionál Timor Leste (PNTL) liu husi Ministru Defeza no Ministru Interior Interinu Bri-Gen (Ref) Filomeno da Paixão de Jesus, akompaña husi Jeneral Lera Anan Timur ho Komisáriu Faustino da Costa, atu asegura seguransa nasionál hodi kria establidade durante impase polítika ne’e.

“Prezidente Republika ohin bolu Ministru Defeza, Jeneral Lere ho Komadante Jeral PNTL atu rona breafing foun ba situasaun iha seguransa nasional,”dehan Ministru Defeza no Interior ne’e, bainhira remata hasoru malu ho Prezidente Repúblika iha knaar fatin Palásiu Prezidénsial, Bairu-Pite, Kuarta-feira (22/01/2020).

Iha enkontru ida ne’e Xefe Estadu ne’e mós koalia ituan kona-ba kontestu polítika ne’ebe liu durante loron 60, Señor Prezidente Repúblika sei bolu lider hotu hotu para tuur hamutuk bele hetan konsensu nasionál ida para bele forma fali governu foun.Tanba ne’e mak bolu mai iha ne’e atu haree ,durante periodui ida ne’e nune’e bele haforsa hodi asegura liutan seguransa.

“Ha’u sei hasae diretiva foun ida para komando rua ne’e bele haree situasaun rai laran liuliu kapital Dili nune’e situasaun ne’e bele hakmatek nune’e dialogu nasionál bele la’o ho di’ak.

Aleinde ne’e husu kona-ba rekrutamentu forsa foun F-FDTL Goveranante ne’e hatan, orsamentu la la’o ne’e tenke suspende laiha despeza para kobre.

“Ha’u sei lori ba iha Konsellu Ministru, maibé osan laiha ita labele hala’o, ho situasaun rezolvidu konserteza ita bele hala’o fali,”tenik Governante ne’e.

Iha oportunidade ne’e apelu Governante ne’e ba populsaun sira iha teritorium laran tomák katak, mantein imi nia atividade lorloron nian hala’o négosiu ba eskola halo ho normal, agora ba oin seguransa iha luron sei metin liutan no seguru, halao serbisu halo di’ak para fó tempu ba nai ulun sira ne’ebe sei mai hamutuk ho Xefe Estadu atu buka konsensus nasional.

Kobertura: Ligia Noronha/ Gil Barros

Deskulpa - Komentariu ami Taka

error: Content is protected !!