MAGAZINE MD#Edisaun_II#Free download.

Alterasaun OJE 2021, Hetan Ona Aprovasaun Iha PN, OR MD $ 603 Mil

DILI:  Hahú husi Sigunda-feira 19 Abril too Sesta-feira 23  Abril 2021, Parlamentu Nasionál (PN) aprova hala’o deskusaun kona-ba altersaun ba OJE 2021 iha faze jeneralidade too final global, votu Afavór 44 Abtensaun 20 no laiha votu kontra. Objetivu husi orsamentu refere atu responde  ba iha impaktu COVID-19 no dezastre naturais nian ne’ebé ba dadaun ne’e nasaun infrenta. Prejide meza iha diskusaun ne’e mak Prezidente Parlamentu Nasionál, Aniceto Longuinhos Guterres Lopes.

Parte governu nian, reprezenta husi Primeiru-Ministru, Taur Matan Ruak, halo aprezentasaun ba roposta Lei, ne’ebe informa kona-ba politika no planu husi proposta refere. Tanba Timor-Leste enfrenta hela situasaun defisil rua hanesan Covid-19 no kalamidade publika ne’ebé akontese iha loron 4 fulan abril foin lalais ne’e, tanba ne’e Governu halo esforsu no liu husi alterasaun ne’e hodi responde ba situasaun refere.

Iha debate ne’e mós parte Komisaun C aprezenta nia relatóriu no pareser kona-ba proposta lei ne’e, hodi informa kona-ba analiza orsamental ne’ebé komisaun espesializada sira halo durante audiénsia publika ho Governu liu husi ministériu sira. Ho nune’e alterasaun dahuluk ba Lei nú 14/2020, loron 29 fulan Dezembru, Orsamentu Jeral Estadu (OJE 2021), iha Sesta-feira horsehik hetan ona aprovasaun iha Parlamentu Nasionál, ho votus Afavór 44, Abstensaun 20 no liaha votu kontra, orsamentu refere atu responde ba iha impaktu COVID-19 no dezastre naturais nian.

Haree ba evolusaun pandemia COVID-19, presiza hasa’e kapasidade prevensaun no kombate ba pandemia, nune’e mós adota medidas mitigasaun ba ninia impaktu ekonómiku, tanba ne’e, ho alterasaun ida-ne’e, Fundu COVID-19 sei reforsa hodi finansia medida prinsipál neen kona-ba intervensaun nian, ne’ebé Governu prepara ona, hanesan:

 1) apoiu ba empregu;

 2) moratória sira kréditu nian;

 3) apoiu ba estudante sira;

4) seguransa ai-han;

5) apoiu ba profisionál sira liña oin nian;

 6) prevensaun no mitigasaun ba COVID-19.

Introdús mós alterasaun sira ne’ebé presiza, iha Orsamentu ne’e, liuhusi reforsu Fundu Rezerva Kontinjénsia nian, hodi hatán ba dezafiu sira ne’ebé kauza husi inundasaun iha loron 4 fulan-abríl tinan 2021 liubá.

Alterasaun ida-ne’e la implika aumentu ida husi montante transferénsia Fundu Mina-rai ba OJE. Aumentu husi reseita hodi finansia aumentu ne’ebé prevee iha despeza mai husi inskrisaun saldo jerénsia nian ne’ebé apuradu iha finál ezersísiu orsamentál tinan 2020 nian, maibé la hakerek iha Orsamentu Jerál Estadu ba tinan 2021, nune’e mós iha realokasaun husi dotasaun orsamentál entre títulu sira, hahú husi dotasaun ba Governu Tomak ho Fundu Infraestruturas nian.

Orsamentu Retifikativu 2021 Husi MD U$ 603 Mil

Kona-ba orsamentu retifikativu 2021 iha Ministériu Defeza hasai osan U$ 603 mil husi kategoria kapital dezenvolvimentu hodi aumenta ba dotasaun para todo governu atu hodi responde ba vitima dezastre naturais.

Liu husi sesaun plenaria debate iha faze espesialidade ba loron daruak Kinta (22/04/2021) iha PN, iha debate deputadu sira hatama proposta alterasaun hodi hasai osan US$ 603 mil.

Husi osan US$ 603 mil nee, hasai husi kategoria kapital dezenvolvimentu, iha programa defeza nasional, hodi aumenta ba dotasaun para todo governu iha kategoria bens no servisu iha programa kontijensia.

Proposta ne’e ho justifikasaun hasai osan nee atu aumenta ba fundu kontijensia hodi responde ba dezastre naturais, ne’ebé akontese iha dia 4 abril afeta inundasaun ba komunidade sira. Enkuantu proposta ne’e aprova ho votus afavor 40, kontra 0, abstensaun 22.

Prezidente Parlamentu Nasional Aniceto Guterres hatete, ho proposta ne’e pasa, Ministériu Defeza sofre ba alterasaun, tanba ne’e halao fali votasaun ba alterasaun orsamentu Ministériu Defeza.

“lha votasaun ba alterasaun orsamentu Ministeriu Defeza ho votus afavor 43, kontra 0, no abstensaun 18, nunee orsamentu alterasaun ba orsamentu Ministeriu Defeza pasa,” anunsia Prezidente Parlamentu.

Durante diskusaun, Deputado sira liu husi proposta alterasaun sira tau atensaun makas oinsá Governu bele iha kapasidade hodi rezolve pandemia covid-19 no dezastre natural ne’ebé akontese ho urjensia.

Husi diskusaun naruk, Deputadu sira aprova ona dotações para a tudo Governo.

Primeiru-Ministru, Taur Matan Ruak, iha aprezentasaun ba Proposta Lei ne’e, afirma katak Governu hakarak adota “medida imediata no enérjika sira hodi estabiliza ekonomia, proteje ita-nia Povu nia saúde no harii hikas ita-nia infraestrutura sira.”

Tanba ne’e, iha ámbitu ekonómiku, prepara ona medida sira apoiu ba empregu no moratória kréditu nian, ho objetivu atu fó tulun ba kompañia sira hodi mantein funsionáriu sira no hasa’e sira-nia likidés.

 “Medida sira-ne’e proteje empregu ba traballadór rihun ba rihun ne’ebé mak iha no barak mak iha setór informál, ne’ebé la inklui iha rejime subsídiu salariál anteriór sira. Hadi’a mós fokalizasaun hodi distribui ba sira ne’ebé maka sei presiza liu, hodi permite benefísiu adisionál sira. Medida sira ne’e dezenvolve insentivu foun no boot sira ba retensaun empregu no ba subsídiu sira. Ikusliu, estabelese subsídiu ida dezempregu nian no haluan rede seguransa sosiál, hodi aumenta transferénsia sira ne’ebé la’ós osan, hodi hatán ba nesesidade ba sira ne’ebé maka vulneravel liu.

Dezenvolve ona mós “medida sira apoiu nian ba setór privadu no ba empreza no indivíduu sira ne’ebé mak iha dívida ho banku sira, inklui Moratória Kréditu ida to’o fulan sia ba empréstimu sira ne’ebé fó to’o loron 1 fulan-abril tinan 2021.

 “Governu sei kontinua apoiu ba família sira ne’ebé hasoru dezafiu signifikativu sira kona-ba seguransa alimentár, hodi fornese no distribui ai-han no beins sira seluk ne’ebé konsidera esensiál, liuhusi Sesta Bázika no liuhusi sosa ai-han rezerva sira liuhusi Sentru Lojístiku Nasionál nian.”

 “Ikusliu, Governu sei fó mós apoiu ba estudante sira ensinu superiór nian, ho izensaun propinas no disponibilizasaun internet gratuita, hodi benefisia estudante 18.000 to’o 35.000.

 “Governu ne’e sei kontinua reforsa ninia resposta sanitária ba COVID-19”, no mantein hanesan prioridade “garante asesu ba teste no ba vasina sira COVID-19 nian ba hotu-hotu”. Governu sei mantein mós “ita-nia eróiku traballadór liña frente sira ho seguru,  ho ekipamentu protesaun individuál tan” no sei reforsa mós “ita-nia sistema saúde, ho tratamentu ospitalár no internamentu ida di’ak liu, no kapasidade adisionál ba izolamentu no kuarentena”.

 “Iha Na’i Ulun ne’e ninia intervensaun ikus, iha diskusaun espesialidade ne’e nia rohan, Primeiru-Ministru agradese ona kontribuisaun husi membru sira Parlamentu Nasionál tomak durante diskusaun husi Proposta Lei no mós tamba aseita halo análise ba proposta ne’e ho karater urjensia.

Xefe Governu apela mós ba populasaun tomak atu mantein unidu no afirma katak “ita bele manan luta ida-nee’ se ita mantein unidu.

Média MD

Deskulpa - Komentariu ami Taka

error: Deskulpa Kontent ami protected !!