MAGAZINE MD#Edisaun_II#Free download.

Views

Ambaixadóra Nova Zelandia Kongratula Ministru Defeza

Dili: Iha loron 20 Jullu 2018, Ministru Defeza Birgadeiro Jeneral Filomeno da Paixão de Jesus halo inkontru kortejia ho Ambaixadora Nova Zelándia mai Timor – Leste, Sra. Vicki Poole, iha Edifísiu Ministériu Defeza Fatuhada Dili.

Sra. Vicki hodi Governo Nova Zelandia nia naran kongratula Ministro Defeza bá nomeasaun no kargu ne’ebé nian foin asume. Ambaixadora hatete katak, Governo Nova Zelandia apresia tebes ho maturidade povu Timor-Leste nian ne’ebé kontinua mantein paz no estabilidade maski Governo hasoru hela dezafiu polítiku.

Sra. Vicki mós informa bá Ministro katak, Governo Nova Zelanda husu deskulpa bá kazu bálu ne’ebé publika husi Adido Militar Nova Zelandia iha media internasionál katak F-FDTL iha intensaun atu halo golpe militar hasoru Estado. Ambaixadóra informa katak, Governo Nova Zelandia foti ona medida hasoru adido militar refere hodi fó sansaun no hapara nia husi nia kargu adido militar.

Ministro Defeza, Brigadeiro Jeneral, Filomeno da Paixão de Jesus mós hato’o obrigado bá Governo Nova Zelandia tanba apoiu oioin ne’ebé F-FDTL hetan inklui operasaun konjunta no formasaun. Ministro informa katak, iha buat barak mak presiza atu halo, liuliu planu governo atu reve hikas planu seguransa no defeza nasionál. Planu hirak ne’e tenta atu hatur hikas serbisu komplentáriu F-FDTL no PNTL durante hala’o nia funsaun hanesan defeza no seguransa nasionál. Tanba ne’e tuir Ministro, sei falta buat barak tenke hadia inklui mós dezenvolve rekursu umanu no apoiu ekipamentu ba forsa militar no polisia hodi fasilita sira hala’o sira nia kna’ar. Ho ida ne’e Ministro reafirma katak, Governo Timor-Leste, liuliu Ministériu Defeza kontinua hametin kooperasaun bilateral ho Governo Nova Zelandia no iha iha posibilidade atu forsa rua bele koopera diak liu tan iha tempu oin mai.

Iha tempu hanesan, Ambaixadóra Nova Zelandia mós apresenta Planu Estratéjiku Forsa Defeza Nova Zelandia (Defence White paper) ne’ebé koalia kona-bá polítika Estado Nova Zelandia iha defeza no seguransa nasionál.

Deskulpa - Komentariu ami Taka

error: Deskulpa Kontent ami protected !!