Ministru Defeza Timor-Leste

Brigadeiru-Jeneral (Ref) Filomeno da Paixão de Jesus moris iha Bobonaro iha loron 27 fulan Marsu tinan 1953.

Brigadeiru-Jeneral (Ref) Filomeno da Paixão de Jesus, oan husi Sr. Miguel Faria de Jesus no Sra. Norberta Ximenes de Jesus. Nia kaben ho Maria José dos Mártires de Carvalho. Sira iha oan lima: Abuk Ble Hitu Carvalho de Jesus, Susar Ble Hitu Carvalho de Jesus, Bia Ble Hitu Carvalho de Jesus, Terezinha Carvalho de Jesus, no Rosário Miguel de Carvalho e Jesus.

Brigadeiru-Jeneral (Ref) Filomeno da Paixão de Jesus kompleta nia Sekundaria (70 ano) iha tinan 1973 iha eskola Liceu Dr. Francisco Viera Machado, Dili. Nia hasai kursu Promosaun kona-bá Jeneral iha Portugal husi fulan Juñu 2010 to’o Juñu 2011,  no kompleta mós lisensiatúra iha Departemento Diréito husi Universidade Nasionál Timor-Leste (UNTL) iha tinan 2007 – 2012.

Nia serbisu iha Administrasaun Governo Portugues hanesan aspirante iha Departamentu Finansa husi fulan Septembru 1971 to’o fulan Agostu 1975. Filomeno da Paixão de Jesus hanesan mós fundador prinsipal ida bá Partido Assossiação Social Democratica Timorense (ASDT) iha tinan 1974, ne’ebé ikus mai transforma-an bá Partido FRETILIN iha fulan Setembru 1975. Iha fulan Novembro 1975 Comité Central Fretilin nomia nia hanesan Vice-Sekretáriu assuntu Justisa, hanesan assistente husi Saudoso Justino Mota. Brigadeiru-Jeneral Filomeno da Paixão de Jesus serve hanesan milísia FALINTIL husi fulan Janeiro to’o Marsu 1976,  no nomeia nia hanesan Komandante Pelotaun husi fulan Marsu to’o Juñu  iha tinan 1976. Nia sai Komandante Zona Liquiça iha fulan Juñu 1976 to’o Setembru 1976 no asume kargu  hanesan Sekretáriu Rejiaun Liquiçá iha fulan Setembru  1976  to’o Dezembru 1976. Iha fulan Janeiru 1977 to’o Outubro 1977 noemadu hanesan Adjuntu Komisáriu Politíku Fronteira Norte. Iha inísiu fulan Novembro 1977 to’o Dezembru 1977 nomeadu hanesan 20 Komandante Fronteira Norte. Ikus mai, hetan nomeiasaun nu’udár Komandante Setór Fronteira Norte iha fulan Janeiru  1978  to’o Novembru 1978.

Iha tinan 2001, Filomeno da Paixão de Jesus promovidu nu’udár Tenente Coronel. Iha tinan hanesan, asume kargu Xefe Lojístika F-FDTL, husi fulan Febereiru 2001 to’o Marsu 2004. Iha fulan Febereiru 2004 to’o Abril 2006 Asume kargu hanesan Comandante Naval iha F-FDTL. Nia mós nomeiadu hanesan Sekretáriu Permanente iha Ministério da Defesa hahu fulan Abril  2006  to’o Setembro 2007,  no ikus mai sai nu’udár Xefe Adjunto Forças Defesa nian iha Setembro 2007  to’o Agostu  2008.  Brigadeiru-Jeneral Filomeno mós sai hanesan Xefe Gabinete bá Planeamento Força 2020 hahu husi fulan Agostu 2008 to’o Jullu 2018.

Brigadeiru-Jeneral(Ref) Filomeno da Paixão de Jesus hetan nomeiasaun nu’udár Xefe Estado Maior F-FDTL iha fulan Janeiru  2010  to’o Outubro 2011 no sai hanesan Vice-Xefe Força Defesa iha Outubro  2011 to’o Jullu 2018.

Brigadeiru-Jeneral(Ref) hetan nomeiasaun polítiku nu’udár  Ministro Defeza husi VIII Governo Konstitusionál iha loron 9  fulan Jullu  2018.

error: Content is protected !!