MAGAZINE MD#Edisaun_III#COMING SOON.

Deskusaun Bilateral EUA- TL Iha Setór Defeza

DILI: Ohin Sesta-feira 5 Marsu 2021, Timor-Leste ho Estadus Unidus da Amérikca (EUA) hala’o Diskusaun Bilateral Annual ba dala-XI. Parte rua hala’o deskusaun kona-ba kopersaun tekniku militár nian.Diskusaun ba tinan ida ne’e hala’o virtual ka liuhusi deit video konferénsia, deskusaun ne’e hala’o iha Salaun Auditorium Kuartel-Jeneral Fatuhada, Dili.

Iha Diskusaun refere, parte rua diskuti no avalia hamutuk programa koperasaun defeza ne’ebé parte rua hala’o, no parte rua komprometidu hodi esplora nafatin ámbitu koperasaun iha domíniu defeza no hametin liután programa parseria no koperasaun sira ne’ebé durante ne’e implementa ona.

Iha intervensaun, Brigadeira-General Coliati hato’o apresiasaun boot ba kompromisu EUA nian hodi kontinua sai parseiru konsistente no kredível. Xefe Estadu Maiór mos lori lideransa F-FDTL kongratula EUA ba Administrasaun foun, no reitera katak Timor-Leste sei buka hodi hametin liutan koperasaun no parseria defeza ho EUA, no argumenta katak mundu infrenta dezafiu seguransa oioin, tambá ne’e duni, koperasaun no parseria entre Estadu importante tebtebes.

“Asuntu kooperasaun tékniku militar saida mak forsa Armada Amérika koopera ho TL atu dezenvolve no profesionaliza forsa armada Timor-Leste ninian. liu-liu iha urna marítima no mós tinan ne’e ba fali forsa áero ne’ebé sira sei apoiu ita dezenvolve partilla áero hodi kontrola ba ita-nia tasi,”dehan Brigadeiro Jenerál Coliati ba jornalista sira.

Xefe Delegasaun EUA, Coronel Schofield kongratula FALINTIL-FDTL ba aniversáriu ba dala-20. Cor. Schofield reafirma, kompromisu EUA nian hodi hametin nafatin parseria ho Timor-Leste iha setór defeza no seluktan.

EUA ho Timor-Leste sei hametin koperasaun no parseria hodi responde ba dezafiu komun sira.

 Coronel EUA ne’e akresenta, Timor-Leste sai nu’udar parseiru importante EUA nian, tamba ne’e sei hametin parseria no koperasaunn hodi halo mitigasaun ba risku sira iha ambiente atuál.

Husi delegasaun Timor-Leste ba diskusaun refere lidera husi Xefe Estadu Maiór F-FDTL, Brigadeiru-General Calisto dos Santos Coliati “Coli”, akompaña husi Diretór-Geral ba Polítika Defeza no Koperasaun Internasional Ministério da Defesa, Komandante Komponente Naval no Terrestre, Ofisiais, Diretores, Reprezentante husi Casa Militar, MNEC no Asesores.

Delegasaun EUA nian lidera husi Xefe Divizaun Sudeste Aziátiku Komandu Pasífiku EUA, Coronel Jamie Scholfield akompañadu husi Xefe Koperasaun Defeza iha Timor-Leste Major Pablo Valerin no ofisiais seluktan.

Média MD

Deskulpa - Komentariu ami Taka

error: Deskulpa Kontent ami protected !!