Diresaun Nasionál Administrasaun no Finansa ne’ebé hanaran DNAF nia serbisu prinsipal mak atu responsabiliza  bá estudu, anális no jere ezekusaun orsamentu Ministériu Defesa nian tuir regra finansa ne’ebé termina ona tuir Lei. Nune’e mós DNAF atu hato’o no promove jestaun rekursu públiku ne’ebé efisiente no rasionál iha ámbitu defeza nian. Funsaun seluk fali mak atu jere, dezenvolve no promove sistema administrativa ida adekuadu iha Ministériu Defeza nia laran. Kompetensia hirak ne’e mensiona iha Dekretu-Lei No 20/2015 kona-bá Orgániku Ministériu Defeza no Diploma Ministério No 14/2015 kona-bá Regulamentu Orgániku Ministériu Defeza.

DNAF  iha nia kompetênsia atu ezekuta orsamentu no programa anuál ministériu nian inklui aktividade suplementár ka retifikativu tuir kompeténsia no atribuisaun bá sira nia orgaun serbisu no planu atividade, tuir regra sira kona-bá orsamentu no kontablidade públiku aplika. Nune’e mós, DNAF responsabiliza jere planu asaun nasionál Ministériu Defeza koordena ho dirasaun sira seluk.

DNAF nia kna’ar seluk mak atu halo provizaun legál bá administrativu finanseira nune’e bele dezenvolve programa hodi promove, moderniza no halo rasionalizasaun administrativa. Asegura prosesamentu bá vensimentu no abonu pesoál serbisu funsionáriu Ministériu Defeza no F-FDTL relasiona ho benefísiu sosiál serbisu hamutuk ho DNRH.

Iha parte seluk mós, funsaun DNAF atu tulun órgaun sira seluk no serbisu ministériu nian la’o ho prejuizu bá nia atonomia administrativa, iha mós ámbitu kona-bá rekursu finanseiru, tékniku no sistema inklui elabora planu seguransa pesoál no meiu material ba Ministériu Defeza.

DNAF superviziona mós Departemento Planeamento no Orsamentu (DPO), Departementu Ezekusaun Orsamentu (DEO) no Departementu Pagamentu (DP).


Inderesu          
Diresaun Nasionál Administrasaun no Finansa
Av. Nicolau Lobato, Fatuhada, Komoro, Posto Dom Aleixo,
Dili, Timor-Leste
Kódiku Postal : 050601
Kontaktu         : (+670) -
E-mail           : -

error: Content is protected !!