Diresaun ne’ebé hanaran ho liafuan bádak (DJPDKI) nia funsaun prinsipal mak serbisu sentrais apoiu ministru defeza, hodi reponsavel no asegura kordena ba iha orientasaun jerál polítika defeza ne’ebé relasionadu iha relasun internasionál koopersaun defeza. Kompetensia hirak ne’e mensiona iha Dekretu-Lei No 7/2019.

DJPDKI nia kompeténsia rasik hanesan: ezekuta polítika defeza hala’o akordo polítika jerál estadu nian iha área ne’e, kordena mós ho diretór jerál administrasaun hodi elabora kada programa annual ba atividade iha diresaun nasionais iha ninia responsablidade.

Knaar seluk mós halo kordenasaun serbisu ho Ministériu Negosiu Estranzeiru no Koperasaun (MNEK) partesipa no dezenvolve polítika ho regulamentu relasiona ninia area bainhira ministru husu. Promove no akompañia orientasaun husi Ministru, dezenvolve relasaun eksterna defeza nian, espesialmente iha kuadru multilaterál iha organizasaun Nosoens Unidas, Comunidade dos Países de Língua Portuguesa (CPLP) no forum rejionais sira seluk inklui Azia hodi hola parte iha relasaun bilaterais nian.

Asegura mós orienetasaun ministru hodi kordena no kontaktu ho diplomátiku bainhira iha vizita selebra akordu internasionais área koopersaun tékniku militar, kordena mós ho MNEK hodi haree karta kondusan ba prezidente repúblika nian, partesipa mós iha negosiasaun akordu internasionais área defeza, nune’e bele asegura importánsia husi ministru hodi implementa ho di’ak husi sira rasik. Programa koopersaun internasionál realiza iha ninia avaliasaun interna nunee’e mós iha mekanizmu seluk ba avaliasaun ne’ebé estabelese ona.

Iha sistema orientasaun polítika relasun sivil militár ne’e kompeténsia área ida ne’e nian, hodi akompaña ezekuta orienstasun polítika konsentra ba relasaun koopersaun ho forsas serbisu seguransa ho protesaun sivil iha ámbitu dezenvolvimentu sistema integradu seguransa nasionál hodi elabora estudu aprezenta proposta ho efisiensia.

DJPDKI lidera husi Diretór Jerál ne’ebe nomeia bazeia ba termus rezime kargu diresaun Xefia ba administrasaun públika.

Estrutura husi DJPDKI superviziona mos departamentu rua hanesan; diresaun nasionál polítika defeza, diresaun nasionál koopersaun internasional defeza.

Inderesu
Diresaun Jeral Politika Defeza Koopersaun Internasional Ministériu Defeza
Av. Nicolau Lobato, Fatuhada, Komoro, Posto Dom Aleixo,  Dili, Timor-Leste
Kódiku Postal : 050601
Kontaktu      : (+670) 75561745
E-mail        : -

error: Content is protected !!