MAGAZINE MD#Edisaun_III#COMING SOON.

Embaixador Foun EUA Kontinua Hametin Lasu Amizade Ho TL

DILI: Iha Sesta-feira ohin Ministru Defeza Brig-G (Ref), Filomeno da Paixão de Jesus, simu vizita kortezia primeiru husi Embaixadór Estadus Unidus Amérika mai Timor Leste, Sr.Charles Kevin Blackstone, iha knaar fatin Ministeriu Defeza Fatuhada, Dili.

 Objetivu husi sorumutu ne’e parte rua halo diskusaun kona-ba relasaun ne’ebé metin no kontinua buras ba bebeik entre militar husi nasaun rua ne’e nian. Embaixador EUA Sr. Charles Kevin Blackstone, hatete, EUA – TL kompartilha valores demokratikus no respeitu ba direitus umanus, tanba ne’e, EUA kontinua nafatin apoiu Timor-Leste iha prosesu ida ne’e ba oin.

“Ministru ho ha’u halo diskursaun kona-ba ezersisiu militár ne’ebé sei akontese tinan ida ne’e, nomos sei halao hamutuk ho parseiru multilateral sira,”dehan Embaixadór EUA ne’e bainhira hala’o entrevista ho jornalista sira.

Embaixadór ne’e dehan, Koalia mos kona-ba apoiu EUA nian ba TL liliu iha parte formasaun ba Forsa Militar TL no treinamentu interkambiu sira ho mós programa parseria estadual husi EUA nian. Ambitu programa nia Estadu Road Island sei halo parseiria ho TL hodi fo programa treinamentu ba FFDTL.

Entertantu Ministru Defeza hatete, sira mai nafatin kontinu politika ida ne’ebe antes ne’e iha ona, nune’e para apoiu TL iha área dezenvolvimentu enjeral no mos ba F-FDTL apoiu prozeitu ne’ebe dezde inisu kedas.

“Sira sei apoiu ita iha ezersisiu haat ne’ebe ita hala’o tinan tinan no sira prontu para hala’o nafatin, sira mós fó apoiu ba ita mak iha rekursu umanu hodi ba eskola iha liur parte militár nian,”tenik governante ne’e.

Kona-ba aeroportu Bakau sira nafain prontu bainhira governu foti ona desizaun, nune’e bele solusiona, no sei iha tan serbisu barak ne’ebé sira sei fó apoiu. Ezersisiu haat ne’e liga ba iha komponente Aero Naval terestre no hadia uma ba eskola sira.

Média MD

Deskulpa - Komentariu ami Taka

error: Deskulpa Kontent ami protected !!