Ministru Defeza simu Inkontru Kortezia husi Adidu Defeza Filipina mai Timor – Leste

Ministru Defeza simu Inkontru Kortezia husi Adidu Defeza Filipina mai Timor – Leste, Sesta-feira 25 Agostu 2018.
Ministru Defeza Dr. Filomeno da Paixão de Jesus simu Inkontru Kortezia ida husi Adidu Defeza Filipina mai Timor-Leste, Col. Rodrigo.
Iha Inkontru refere, Col. Rodrigo hato’o parabéns ba Ministru Defeza no hato’o kompromisu governu Filipina hodi kontinua hametin liután parseria entre Timor-Leste ho Filipina, no informa katak nia governu prontu atu kontinua fó apoiu kapasitasaun ba F-FDTL liliu nia país prontu simu F-FDTL atu ba hala’o estudu iha akademia militar Filipina nian, no apoiu ba área defeza seluk depende ba nesesidade Timor-Leste nian.
Ministru Defeza aproveita sorumotu ne’e hodi hato’o agradesimentu ba governu Filipina bá apoiu tomak husi país refere mai Timor-Leste. Ministru Defeza mos partilha ho Adidu ne’e kona-bá prioridade VIII Governu Konstitusional iha área defeza nian.

Média MD

Sorry - Comments are closed

error: Content is protected !!