MAGAZINE MD#Edisaun_II#Free download.

F-FDTL Konvoka Semináriu, Komemora Aniversariu Ba Dala 18

DILI: FALINTIL-Forsa Defeza Timor Leste (F-FDTL) konvoka serimónia hodi komemora loron aniversáriu ba dala 18 tranformasaun FALINTIL ba FDTL ho tema “HAMETIN DAME NO TANE SOBERANIA NASIONÁL”.

Xefe Casa Militar Koronel F-FDTL António Soares da Silva Maucalo Reprezenta Prezidente Repúblika Dr.Francisco Guterres Lú-Olo hodi hato’o diskursu ba eventu ne’e katak, loron importante ida ne’e fó hanoin ho klean kona-bá soberania nasionál ne’ebé fó sentimentu pretense ba patria ida de’it hodi kesi hamutuk.

“Ha’u konvida maluk sira atu hanoin klean kona-bá valor istóriku sira ne’ebé rezisténsia nasionál hodi tane ita-nia nasaun ida ne’e,” dehan Señor Prezidente da Repúblika liu husi diskursu iha sala Auditorium F-FDTL Fatuhada Kuarta-Feira (30/01/2019).

Xefe Estadu ne’e hatete, Povu timoroan hetan fali liberdade no independésia ho sakrefísiu entrega-an tomák firmeza ho neon moos no determinasaun husi kombatentes luta libertasaun nasionál. Libertasaun la’os fó de’it, maibé konkista povu korajén, determinasaun no perténsia mak lori Timor ba vitória.

Ho nune’e kombatente FALINTIL luta ba independénsia nasionál ho sentimentu devér atu lori moris di’ak ba ema hot-hotu ba ninia povu laos atu serve nia an. Timoroan luta ba autodeterminasaun povu nian no ba libertasaun pátria nian ho valór  espritual no moral ne’ebé a hanesan militar ohin loron nian.

“Ohin loron timoroan sa militar tanba valor material sira liuhusi kontratu traballu no ohin loron military sira tuir treinu atu hetan profisaun ida tuir regra militar nian, maibé ita presiza mós haktuir válor sira ne’ebé ita nian kombatente libertasaun sira,”tenik S.E PR Lú-Olo.

Tanba ne’e FALINTIL-FDTL tenke kaer metin nasaun ninia valór sira no sosiadade tenke aseita katak instituisaun militar hanesan moos riin ida atu garante kultura ho valór sira ne’e.

Estadu iha obrigasaun atu promove valor rezistensia no luta independensia nian ba jerasaun foun sira liu husi servisu siviku nasionál ba joven hothotu atu sai patriota no servi pátria.

Iha fatin hanesan Xefe Estadu Maiór F-FDTL Maijór Jeneral Lere Anan Timur hatete, iha loron 2 Februariu 2018 instituisaun ne’e halo aniversaun tranformasaun ba 18. Iha serimósira refere sei konvida konvidadus sira Xefe Estadu Maiór Indonezia ho Xefe Estadu Jeneral.

Xefe Estadu Maiór F-FDTL ne’e haktuir, intensaun konvida Indonezia tanba nasaun vizinho no mós sira ukun Timor durante tinan 24 neneik ba bebeik konsolida amijade nu’udar país viziñu. Serimónia sei selebra ho simples maibé ho dignidade.

“Ohin loron ofisiais ho sarjentu hamutuk ho konvidadus Ministériu defeza mai hamutuk iha Semináriu ida  ne’e hanesan refleksaun hodi fó hanoin ba ita iha tinan 18, ita harii ita nia forsa armadas laos buat hotu hotu di’ak,”dehan S.E Xefe Estadu Maiór F-FDTL.

Kobertura: Ligia Noronha/Gil Baros

Deskulpa - Komentariu ami Taka

error: Deskulpa Kontent ami protected !!