MAGAZINE MD#Edisaun_II#Free download.

Brigadeiro General Falur Rate Laek Husu Assessor Sira Tenke Transparânsia

DILI: Vise Xefe Estadu Maiór Jenerál Forsa Armada Domingos Raul “Falur Rate Laek” liu husi nia diskursu báinhira prizidi isár bándeira iha kuartel Jeral F-FDTL Fatuhada katak assessor sira tenke nakloke aan no transparânsia.

“Ita nia assessor sira ne’ebé serbisu hamutuk ho ita uza sira nia kapasidade masímu no sira mai atu serbisu ho ita, sira mós tenke nakloke bá ita bá buat ne’ebé ladi’ak sira nia dever no obrigasaun fó hanoin bá ita labele konta fali ita iha kotuk ne’e hahalok ladi’ak,” dehan Brigadeiro ne’e iha kna’ar fatin Fatuhada Segunda, (1/10/2018).

Alende ne’e mós Vise Xefe Estadu Maior ne’e hakarak fó parabens bá mudansa estrutural ne’ebé rejista iha Ministériu Defeza. Tanbá ne’e husu bá imi hotu halo reflesaun bá mudansa ida ne’e, mudansa sira ne’e iha la’os mudansa sira ne’ebé fasil maibé ne’e mudansa nessesáriu. “Ha’u husu liuliu mak F-FDTL ho Ministériu Defeza tenke komunika no halo koordenasaun ligasaun bá malu nune’e bele reforsa tranparânsia konfiansa bele halo mudansa iha vida familiar no vida institusionál,” tenik Falur.

Tuir Vise Xefe Estadu ne’e katak, F-FDTL atu konsolida estrutura nune’e bele konsolida bá dezenvolvimentu. Sai profesionál ne’e tenke observa lor-loron regra disiplina importante liu mudansa prátika atividade hodi muda vida institusionál no vida familiar, la’os ida ne’e de’it maibé preokupa mós saude tanbá instituissaun F-FDTL.


Kobertura:Ligia Noronha

Deskulpa - Komentariu ami Taka

error: Deskulpa Kontent ami protected !!