MAGAZINE MD#Edisaun_II#Free download.

Funsionáriu Ministériu Defeza- F-FDTL Simu Vasina AstraZeneca

DILI: Ohin Segunda-feira funsionáriu Ministériu Defeza inklui Falintil-Forsa Defeza Timor-Leste (F-FDTL), abertura simu vasina Astrazeneka. Atividade ne’e hala’o durante loron tolu nia laran hahú husi Ohin Segunda-feira too Kuarta-feira.

Iha abertura Vise Xefe Estadu Maior Jeneral F-FDTL, Maijor Jeneral Falur Rate Laek hatete, ida ne’e eventu ida importante tebes tanba salva ema nia moris no familia nian, tanba ne’e mak ohin  hahú ona vasina iha fatin ne’e.

“Ami iha ne’e fó apoiu makas ba ekipa médiku sira, maske hasoru dezafiu maibé ho ita boot sira nia espiritu humanizmu no servisu honestidade , ami agradese no kontenti ho atividade ne’e tanba bele salva ita hotu nia moris,”dehan Jeneral Falur iha sala Auditorium, Kuartel Jeneral, Fatuhada, Dili.

Tuir Jeneral ne’e katak, F-FDTL hanesan instituisaun fundamenta iha nasaun ida ne’e no sai mós hanesan liña frente, tanba Timor Leste mós agora kona ona Covid-19, ho vasina ne’e hanesan mius pozetivu hodi salva án no familia.

Antes atu halo vasina Astrazeneka parte saude sei halo introdusaun ituan ba reasaun vasina ne’e  rasik sei prevene ita nia an, liu husi vasina ida ne’e de’it mak bele salva ita nia vida no familia.

Iha vasina ne’e orsida sei hetan reasaun hanesan ulun moras, laran sae, kabun moras, muta no iha mos isin manas.

Esplika mós kona-ba moras TBC ran midar ida ne’e tuir WHO nian katak, ba ema sira ne’ebe ho tensaun aas, Asma, ran midar ida ne’e mak prioridade ba iha vasinasaun ida ne’e.

Abertura ba vasina ne’e mak, Diretór Jerál Administrasaun Ministériu Defeza Sr. Nuno Carvalho dos Santos, Diretór Jerál Politika Defeza Koperasaun Internasional MD Sr. Martinho Maia Gonçalves, Xefe Gabineti Ministru Defeza Deonísio Antonio de Jesus, Assesor Internasionál no Nasionál, Ofisiais sira husi F-FDTL inklui funsináriu sira iha ministériu refere.

Média MD

Deskulpa - Komentariu ami Taka

error: Deskulpa Kontent ami protected !!