Istória

Gabinete Forsa 2020 ou GF2020 estabelese iha Ministério Defeza durante IVo Governo Konstituisionál,  iha tinan 2007. Ojetivu husi GF2020 atu halo estudu, peskiza, anális, monitor, avalia no dezenvolve konseitu estratéjiku ne’ebé difini ona iha dokumentu Planu Forsa 2020 ne’ebé publíka iha Janeiru 2007. Dokumentu Planu Forsa 2020 lidera husi Capitão Mar e Guerra Donasiano “Pedro Klamar Fuik”. Planu ne’e rasik hanesan vizaun estratéjiku Governo Timor-Leste hodi dezenvolve forsa defeza (F-FDTL) hahu husi tinan 2007-2020. Xefe Gabinete Forsa 2020 lidera husi Brigadeiro-General Filomeno da Paixão de Jesus husi tinan 2007-2018. GF2020 hetan mós apoiu husi Portugal, Australia no Brazil.

Funsaun Estratéjiku Gabinete Forsa 2020

Gabinete Forsa 2020 ne’ebé hanaran GF2020 hala’o nia funsaun serbisu hodi fó apoiu tékniku bá estretura superior defeza no F-FDTL, hodi elabora no estabelese prosedimentu ne’ebé presiza bá implementasaun, monitorizasaun no avaliasaun estudu estratéjiku Forsa 2020.

Kna’ar GF2020 mak atu estuda, propoin no implementa medida sira ne’ebé nesesáriu hodi hala’o estudu estratéjiku bá forsa 2020 iha kada tinan orsamentu ne’e inklui planeamentu prazu-bádak, médiu no naruk nia laran, nune’e mós koordena no fasilita enkontru no konferénsia iha kuadru estudu estratéjiku bá forsa 2020 ho instituisaun estadu nian oin-oin, nune’e hanesan ho instituisaun internasionál sira.

GF2020 ne’e serbisu hamutuk ho Diresaun Nasional sira iha medida hotu-hotu ne’ebé relasiona ho sira nia estudu, planeamentu no implementasaun bá estudu Estratéjiku forsa 2020, prepara dokumentu, halo relatóriu no avaliasaun anuál forsa 2020, inklui monitorizasaun bá prosesu implementasaun estudu estratéjiku. Koordena asaun preparasaun bá implementasaun, elaborasaun no revizaun bá estudu estratéjiku Forsa 2020 entre serbisu kompetente hotu-hotu ministériu nian no F-FDTL.

Gabinete ne’e mós fó apoia bá elaborasaun dokumentu sira ne’ebé estruturante bá planeamentu estratéjiku defeza militár hodi serbisu hamutuk ho Gabinete hotu defeza nian, báinhira presiza. Xefe Gabinete F2020 mak halo supervizaun bá aktividade grupu nian hotu no iha ligasaun permanente ho Ministru Defeza.

Dokumentu importante sira ne’ebé mak prodúz husi GF2020 mak hanesan:


Inderesu         
Gabinete Forsa 2020 Ministériu Defeza
Av. Nicolau Lobáto, Fatuhada, Komoro, Posto Dom Aleixo, Dili, Timor-Leste
Kódiku Postal :
Kontaktu      : (+670)
 E-mail       :

error: Content is protected !!