MAGAZINE MD#Edisaun_III#COMING SOON.

Hanorin Paz Ba Povu, Tenente Jeneral Lansa Fatuk Dahuluk Ba Konstrusaun Baze Militár

ATABAE: Relasiona ho polítika husi Ministériu Defeza nian,  ne’ebé atu hanorin paz ba povu iha Atabae aldeia Damalara, maka Tenente Jenerál Lere Anan Timur, Lansa Fatuk Dahuluk hodi harii baze militár Falintil- Forsa Defeza Timor-Leste (F-FDTL), Iha Suku Aidabaleten, aldeia Damalara, Postu Administrativu Atabae, Munisipiu Bobonaru.

Konstrusaun ne’e ho objetivu atu destaka efetivus iha baze militár hodi asegura fronteira terrestre sira ne’ebé eziste iha munísipiu Bobonaro. no parte seluk mos atu moderniza F-FDTL di’ak liutan iha futuru.

Iha Serimónia fatuk dahuluk ne’e Estadu Maijór F-FDTL Tenente Jenerál Lere Anan Timur, hatete, agradese ba komunidade Damlara bele dispoin fó rai ba forsa Armada hanesan imi nia oan núdar lutu nasaun nian, Damlara hanesan baze militár nian nian parte Norte, forsa nia eziste atu defende  ba iha soberania no mos povu nia interese entaun forsa mak tenke kria uluk dame.

“Ha’u husu ba forsa sira aban bainrua mai iha ne’e tenke hamutuk ho komunidade no  inan aman tenke kria dame, iha ne’e tenke respeita malu, forsa ho PNTL hamutuk hodi halo seguransa iha fronteira,”dehan Tenente Jeneral iha Serimónia lansamentu fatuk dahuluk iha, Damlara Postu Administrativu Atabae, Kinta-feira (26/08/2021).

Tuir Tanente Jenerál ne’e katak, tenke perpara án tanba inimigua aban bainrua mai husi ne’ebe  la hatene, tanba ne’e tuir planu ministeriu Defeza nian sei halo tan iha Suai no Oekuse. Tanba ne’e ba kompania ne’ebé atu halo ne’e laos ema seluk maibé ne’e timoroan rasik, tenke barani no tenke hatudu duni kualidade nune’e  labele depende demais ba kompania estranzeiru.

Iha fatin hanesan Diretór Jeral Administrasaun, Sr. Nuno Carvalho dos Santos hatete, projeitu ne’e halo bazeia ba konseitu estrateziku ida ne’ebe define ona iha setor Sul no Norte hodi estabelese kompañia iha ne’e.

Komunidade sira mos sente onradu los, sira mos hakarak iha momentu ida ne’e forsa armada no polísia bele besik liutan sira ne’e hanesan dalan ida ba iha dezenvolvimentu ba rai ida ne’e nia di’ak.

Diretór Jerál Administrasaun ne’e klarefika, tuir Terras Propriedades katak rai ne’e pretense ba estadu nian, Ministériu Defeza antes ne’e konlulta no fahe informasaun ne’e ba komunidade sira, tanba estadu iha obrigasaun para halo buat ruma ba rai ne’e nia leten.

Maibé Ministériu sei la taka matan, ba komunidade sira ne’ebé hela iha ne’e no balun halo nia toos, ministériu foti ona dadus ba familia benefisiariu sira nune’e iha tinan oin 2022 sei mai halo indeminiszasaun ba imi.

Agradese mos ba liña ministeriais sira hotu hanesan Terras propriedades, Ministériu Obras Publika, Kafe nos mos ministeriru ne’ebé relevante ho projetus nian ho imi nia tulun ba projeitu kontrusaun ba baze militar iha Damalara bele hahú.

“Ha’u mos agradese ba Prezidente autoridade lokal no mos municipal ho nia estrutura tomak ne’ebe fo ona apoiu durante ne’e kolaborasaun, kontribuisaun ami sempre onradu no agradese, lansamentu ne’e hanesan inisiu ida,” tenik Diretór Jeral ne’e.

Partisipa iha serimónia ne’e mak Estrtutura F-FDTL ho nia ekipa, Komadante Jerál PNTL, Komisáriu Faustino da Costa, Prezidente Autoridade Muisipiu Bobonaru ho nia estrutura, Igreja Reprezenta Amu Parokia, no Komunidade sira.

Média MD

Deskulpa - Komentariu ami Taka

error: Deskulpa Kontent ami protected !!