MAGAZINE MD#Edisaun_II#Free download.

Views

Governu Nomeia Xanana Iha Negosiasaun Fronteira Ho Indonézia

DILI: VIII Governu Konstitusionál liu husi Konsellu Ministru (KM) iha Sesta-Feira 23/11/2018 konvoka reuniaun estraordináriu prejidi husi S.E Primeiru Ministru Taur Matan Ruak aprova rezulasaun governu hodi nomeia Señor Kay Rala Xanana Gusmão nu’udar reprezentante espesiál Governu Timor-Leste nian iha negosiasaun fronteira terestres ho Repúblika Indonézia.

Ministru Estadu Prezidésia Konsellu Ministru Hermenegildo Augusto Cabral Pereira hatete, iha reuniaun ne’e mós indika embaixadór Roberto Sarmento Oliveira Soares nu’udar mós ekipa tékniku ba negosiasaun ne’e.

Iha Konsellu Ministru aprova rezolusaun governu nian kona-bá kontratu atu halo akizasaun ba intrese partsipativa no diretu iha Kampu Greater Sunrise nian. Partesipasaun Timor-Leste nina iha opersaun petroliféru no tranfrésia ba interese partesipativu no direitu hirak ne’e afavór ba TIMOR BAP.E.P ninia subsidiária sira hodi jestaun ba interese partisipativu no direitu hodi naran no reprezenta Estadu Timor-Leste.

“Ohin Konsellu Ministru hala’o reuniaun estraordináriu tanba tuir ajenda sempre iha kuarta, maibé kurta oin feriadu entaun ami deside muda fali ba ohin tanba governu tenke halo desizaun,” dehan Ministru Estadu Prezidésia Konsellu Ministru iha Palásiu Governu.

Iha fatin hanesan Embaixadór Roberto Soares haktuir, rezolusaun ida ne’e aprova iha momentu ida ne’ebé sertu atu fó kontinuasaun ba negosiasaun fronteira terestres ho Indonézia.

“Ba ha’u onra bo’ot tebes hetan konfianasa husi Governu no Estadu atu bele xefia ekipa negosisaun téknika ninian atu nune’e ita bele solusiona lalais ita nia fronteira teresteres,”tenik  Embaixadór Roberto.

Señor Embaixadór hatete, kona-bá asuntu ne’e iha ona komunikasaun ne’ebé halo ona ho governu Indonézia prinsipalmente kona-bá terestres nina no parte husi parte rua iha ona konkordánsia katak iha fulan iha inisiu fulan Dezembru sei hahú fila fali reuniaun téknika ne’ebé ho ninia objetivu atu aselera finalizasaun ba segementu rua hanesan Citrana Naktuka no Pasábe iha Munísipiu Oekuse ne’ebé kuaze lori ona tinan Ualu (8) seda’uk solusiona.

Tuir Señor Embaixadór katak, segmentu rua ne’ebé lori tinan barak ida ne’e kestaun téknika balun presiza haree ho didi’ak bainhira hetan solusaun final reponde duni aspirasaun mutua entre nasaun rua ne’e nian.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!