MAGAZINE MD#Edisaun_III#COMING SOON.

Komisaun Rekrutamentu F-FDTL Anunsiu Rezultadu Seleksaun Dokumentus Ba Kandidatu Sira

DILI:  Liuhusi deklarasaun Prezidente Komisaun Rekrutamentu FALINTIL-Fórsa Defeza Timor Leste (F-FDTL), Brig-Gen Calisto Santos Koliati katak, Orsamentu 2021 ne’ebé pasa ona fó kapasidade ba Ministériu Defeza no-F-FDTL  atu bele hala’o programa rekrutamentu forsa foun iha 2021, prosesu  rekrutamentu hahú husi inísiu fahe fórmuláriu, rekolla fórmuláriu depois halo analiza ba dokumentus hahú kedas 2019 mai too 2021.

Prezidente ne’e hatete, rekrutamentu ne’ebé pendente iha tinan 2019 liu ba, tanba situasaun polítika nuné mós pandemia COVID-19 laos de’it akontese iha Timor Leste maibé mundo tomák ne’ebé fó impaktu ba iha Orsamentu Jerál Estadu, ho nune’e labele atu kontinua prosesu ne’e.

Tuir planu husi F-FDTL atu halo rekrutamentu foun ba kandidatu forsa Defeza foun hamutuk 1200, maibé ikus desizaun polítika, haree mos kapasidade finanseiru entaun deside hodi redus tiha numeru ida ne’ebé propoin 1200 ba fali atus neen (600) numeru ida ne’e mak defenitivu ida ne’ebé atu halao prosesu kona-ba inspesaun militár.

“Komisaun hahú hikas serbisu iha loron 3 Maiu too 21 Maiu, no ohin deklara ba públiku kona-ba kandidatu sira ne’ebé priense kritéria pasa iha seleksaun dokumentus, ba aplikante sira ne’ebé aplika iha tinan 2019, iha mudanza ituan iha komisaun tanba antes ne’e F-FDTL presiza ema 1200 entaun idade hahu husi 18 too 30, maibé numeru ne’e redus tiha ba 600 entaun idade hahú husi 18 too de’it 26,”dehan Prezidente Komisaun ne’e bainhira hala’o konferensia Imprensa iha Salaun Auditorium Kuartel Jeneral, Fatuhada, Dili Sesta-feira (21/05).

Iha fatin hanesan Diretór Jerál Administrasaun (DJA), Nuno Carvalho dos Santos infórma, kona-ba relatóriu ba prosesu rekrutamentu no mós kritéria ba knadidatu sira ne’ebé pasa ona iha faze dokumentus fórsa fóun nian, Komisaun Rekrutamentu ne’ebé kompostu husi Ministériu Defeza no F-FDTL hakarak hato’o ba públiku hahú husi ohin ba oin, komisaun ofisialmente fó sai listas kandidatu ne’ebé konsidera passa iha selesaun dokumentu dezde 2020.

“Tanba situasaun COVID-19 halo’o prosesu ne’e tenke adia no ohin mak ami fóin bele fó sai ba públiku, ami hakarak deklara katak, lista kandidatu ne’ebé liu iha selesaun dokumentu ba tinan ne’e hamutuk ema 3,139 husi total fórmularios 12,259 ne’ebé komisaun rekolla iha inísiu 2020. Maibe, depois komisaun halo’o re-verifikasaun, ba kandidatos 3,139 ne’ebé temi iha leten, konsege hetan númeru finál hamutuk 2,400 kandidatu, ” Diretór ne’e relata.

Bazeia ba dadus ne’ebé iha katak, husi 2,400 kandidatu ne’e, sira sei tama ba iha faze ezaminasaun médika, teste fízika, psíko-teknika, no entervistas. Iha fases hirak ne’e, komisaun sei haree fila fali kandidatu sira nia rezultadu ezame no halo re-verifikasaun tan, antes fó sai naran finál ba públiku iha fulan Jullu, no sira sei inkorpora ba instituisaun iha inísiu fulan Agostu tinan ne’e 2021 hodi hahú treinu.

Total efetivos ne’ebé sei incorpora hamutuk ema 600. Ninia fórmula, atu hetan 600 rekruta mak kandidatu nain ha’at (4) hadau vaga ida ou vaga ida kandidatu nain ha’at (4) mak kompete. Fórmula ne’e hatuda mai ita katak prosesu ne’e kompetitivu, lao tuir regras no intensaun Polítika no Komando nian.

Diretór Jerál ne’e mós klarefika, Komissao próprio la halo’o favorítismu ba kandidatu sé de’it. Maske iha rekrutamentu ne’e fó prioridades ba veteranus, resistensias, no luta na’in sira nia oan, maibé, Komando rasik fó orientasaun ba komisaun katak, hotu-hotu tenke lao tuir kritéria ne’ebé estabelese ona.

Tuir horário ne’ebé parte Diresaun Saúde Militár no komisaun sira fó saí loron examinasaun médika sei hala’o iha loron 1 fulan Juñu 2021, no Teste fízika/o sei hal, iha loron 2 de Juñu 2021, oras tuku 06:30 dadersan prosesu ne’e sei remata iha fulan Jullu 2021. Maibé Teste  fízika, aplika ba kandidatu ne’ebé passa ona iha ezame médiku. Kandidatu ne’ebé la liu exame médika automatikamente sei exklui ou elimina.

Husu ba kandidatu sira ne’ebé Komisaun koloka ona tuir kalendáriu tenke mai konsentra hotu iha Kuartel-General F-FDTL Fatuhada, Dili óras  04:30 madrugada iha loron  2 fulan Juñu 2021. Ho Nune’e, komisaun sei transporta/tula kandidatu sira ba tuir exame médika, fízica no seluk tan iha Centro de Instrução Comandante Nicolão Lobato (CICNL) Metinaro, Dili.

Husu ba kandidatu ne’ebé naran iha lista, sekarik sei iha hela Munisípiu, halo favor bele mai ona iha Dili, nune’e bele kumpri horário ou data ne’ebé Komisaun deside/fó sai. Tanba,  Dili mak sei hahú teste primeiru, tuir Municipiu Likisa, Ermera, Aileu, etc.

Klaru liu sei taka iha kada Munísipiu no Posto Administrativu sira iha respetivos munisipiu, inklui Komando Polísia Munisipal no Eskuadra sira no mos postos destakados F-FDTL nian iha território Nasionál.

Solisita mos ba kandidatu sira ne’ebé atu mai tuir teste iha loron 1 fulan Juñu, tenkue hakbesik ba iha Sentro Saúde ne’ebé besik hodi halo “TESTE SWAB” ne’ebé validu ba loron 72 horas.Tanba ne’e, Instituisaun F-FDTL Ministériu Defeza liu husi komisaun Rekrutamentu, hakarak solisita ba nia Sentro Saúde hotu iha Territorio Nasionál, atu fasilita halo “SWAB test” ba kandidatu sira ne’ebé sei ba iha ita bot sira nia fatin, no bele emite hela karta ou dokumentu swab nian ba kandidatu sira hodi mai entreg komisaun bainhira sira mai aprezenta tuir data ne’ebé sei fó sai iha Segunda feira 24 Maiu 2021 Kada munisipiu no Posto Administrativu sira.

Kona-ba koordenasaun parte Ministériu Saude, parte Diresaun Saúde Militár F-FDTL, no Ministé Defesa mak sei halo. Fatin konsentrasaun ou aprezenta án sei hala’o iha Kuartel-General F-FDTL, Fatuhada, tuir kalendariu ne’ebé sei taka iha semana oin. Bainhira, kandidatu sira mai konsentra hotu iha Kuartel-General Fatuhada, Dili, Komisaun sei transporta ita bot sira ba Metinaru hodi hala’o examinasaun no teste.

Komisaun sei prepara estasaun ida-idak para atende ita bot sira, hahú husi fatin konsentrasaun to’o prosesu remata. Nune’e ita hotu nafatin kumpri “REGRAS PROTOCOLARES COVID-19” ne’ebé ita nia Governu ho Saúde Mundial fó sai. Kandidatu, sira bainhira sai husi uma tenke uza mascra/e. Husu para tenke deskansa sedu antes atu mai tuir exame médika no fízika.

Ba kandidatu ne’ebé lakumpri loron ne’ebé determina ona, sei hetan substituisaun husi kandidatu ne’ebé komisaun koloca iha reserva. No ba kandidatu rezerva sira, bainhira hetan chamada husi komisaun, ita bot sira sei rona mos infórmasaun, bainhira mak ita bot sira sei mai tuir exame médika, fízica no seluk tan. Tamba ne’e, tenke fixa data no horario ne’ebé ita bot sira simu.

Kandidatu sira ne’ebé iha prosesu examinasaun médika, fiziku no psíco téknika, komisaun exklui/hasai ou disqualifika, tamba rezultadu konsidera negativa ou inapto. Tuir Artigo 30 iha regulamentu Lei Serbisu Militár hateten, sidadaun hotu neste caso kandidatu sira iha direitu tuir Lei Servisu Militár Artigo 14 no.4, atu hato’o rekursu ou reklamasaun bainhira ita bot sira sente la satisfas ou la simu ho desizaun ou rezultadu ne’ebé Komisaun fó sai.

Rekursu ne’ebé razoavél no fundamento, tenke dirige direita ba Excia Xefe Estadu-Maior General F-FDTL iha loron 15 nia laran, konta husi loron ne’ebé Komisaun fó sai Desizaun ou rezultadus.

Tanba, ita nia nasaun sei iha bela Estado de Emerzensia no Serca Sanitária iha munisípiu balun, Komisaun Rekrutamentu sei la ba taka naran to’o iha Sucu hotu hanesan iha prosesu inísiu, maibé, Komisaun sei ba to’o iha Munisipiu no Posto Administrativu sira.

Ba iha tempu ida ne’e, Komisaun Rekrutamentu husu, ba aplikantes hotu iha Territorio Nasionál, atu ho pasensia no disiplina, ba hare imi ida-idak nia naran ne’ebé sei taka

Média MD

Deskulpa - Komentariu ami Taka

error: Deskulpa Kontent ami protected !!