MAGAZINE MD#Edisaun_II#Free download.

Kompañia Charlestrong Oferese Uma 6 Ba Veteranus F-FDTL

DILI: Kompañia husi nasaun Xina-Macau ho naran  Charlestrong Enghenering Tecnologi Lda, oferese uma neen (6) iha Metinaru Dili ba veteranus FALINTIL-Forsa Defeza Timor Leste (F-FDTL) ne’ebé to’o agora sedauk iha uma, tanba projeitu ne’e hanesan plataforma negósiu entre nasaun sira uza lian Portugés inklui Timor-Leste.

Liu husi diskuru Ministru Defeza no Ministru Interior Interinu Brigadeiru General (Ref) Filomeno da Paixão de Jesus hatete, Projeitu ne’e mosu iha 2016 momentu maun bo’ot Kay  Rala Xanana Gusmão bainhira sei asumi kargu nu’udar Ministru Planeamentu no Investimentu Estratéjiku  (MPIE) kria inisiativa harii uma sosiál nian no uma ba veteranus sira.

“Ita atu rekoñese veteranus iha rekonstrusaun Timor-Leste nu’udar estadu demokrátiku, ba esforsu ne’e, liu-liu iha prosesu luta naruk ba independénsia,” dehan Ministru bainhira hamutuk ho  Prezidente husi emprezáriu Charlestrong Señor Charles Shi no mós Embaixadór Xina Señor Dr. Xiao Jiango iha Serimónia intrega uma ne’ebé hala’o  iha Salaun Auditorium F-FDTL Fatuhada Segunda (3/12/2018).

Ministru ne’e hatete, oferta ida ne’e tanba governu fó prioridade ba veteranus sira iha serbisu, hodi fó hanoin ba foin sa’e sira labele haluha istória nasaun nian hodi sira nia luta mak ohin loron nasaun livre

Tanba ne’e tenke hato’o agradesimentu espesiál ba maun bo’ot Xanan Gusmão ho inisiativa harii projeitu uma ida ne’e.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!