MAGAZINE MD#Edisaun_III#COMING SOON.

Konkluzaun VIIIGovernu Halakon Covid-19 Mak Vasina

LOLOTOE:Bazeia ba Polítika VIIIGovernu Konstitusionál liuhusi inkontru Konsellu Ministru foti konkluzaun, atu halakon korenti pandemia Covid-19 mak dalan uniku mak povu hotu tenke ba vasina nune’e bele halo imi nia atividade ho normal

Ho nune’e iha Tersa-feira ohin, Ministru Defeza Brig-Gen (Ref), Filomeno da Paixao de Jesus hamutuk ho ekipa husi Ministériu Defeza nian, hala’o sosializasaun fahe informasaun klean ba komunidade sira atu hakbesik an ba vasina labele tauk tanba la fó risku ba ema nia vida, sosilizasaun ne’e hala’o iha Postu administrativu Lolotoe Munisipiu Bobonaro.

“Ha’u koalia Polítika governu nian kona-ba konbate Covid-19, tanba moras ne’e oho ema millaun ona iha mundu tomak no iha Timor Leeste mós mate ba moras ne’e, agora dadaun governu fó atensaun makas mak ba parte fronteira ho Indonézia,”dehan Ministru iha intervensaun ne’e.

Covid-19 mosu iha rai laran barak no governu labele kontrola ne’e mak tama illegal sira husi parte fronteira ne’e mak too agora sai tiha problema hodi atinzi tiha numeru boot, ema sira ne’ebé tama legal ne’e governu kontrola ho atensaun tanba sira liuhusi karantina durante loron sanolu resin haat.

Atu kontrola ema tama sai illegal ne’e mak labele hein de’it forsa no polisia ajuda malu komunidade hetan halo keisa no lori kedan ba sentru saude ne’ebé besik hodi halo teste labele tanba ne’e persiza tebes autoridade suku sira atu serbisu hamutuk, tanba agora variante Delta mos tama dadaun ona ida ne’e perigu liu tanba hadaet lalais tebes. Ba dadaun ne’e timoroan vasina ona mak hamutuk 380 mil ne’e iha teritorium timor laran tomak.

Iha sosializasaun ne’e mós Xefe Suku sira no partesipante informa ba Ministru Defeza kona-ba seguransa iha fronteira no harii postu permanente ida iha Suku Lebos no Zildape tanba sira iha postu rua de’it nune’e bele kontrola ema tama illegal mai iha nasaun ne’e, númeru ida agora ne’e sira sente sei menus tebes.

Hatan ba preokupasaun ne’e Ministru Defeza hatete, haforsa fronteira ne’e iha limitasaun F-FDTL no PNTL, maibé governu nafatin esforsu no iha postu lima mak aumenta tan ona forsa, maibé husu nafatin ba joventude oan sira atu fó apoiu ba Unidade Polisia Fronteira (UPF), tanba susar atu mobeliza komunidade nia movimentu.

Média MD

Deskulpa - Komentariu ami Taka

error: Deskulpa Kontent ami protected !!