MAGAZINE MD#Edisaun_II#Free download.

MD Aprezenta Proposta OJE 2019 Husi MI Ba Komisaun B PN

DILI: Iha Tersa-Feira 27 Novembru 2018 Ministru Defeza no Ministru Interior Interinu Brigadeiro-  General (Ref) Filomeno da Paixão de Jesus akompañadu husi Sekretáriu Estadu Protesaun Sivil Señor Alexandrino Xavier Araujo ho Komadante Jerál PNTL Señor Komisáriu Julio da Costa Hornay hodi aprezenta proposta Orsamentu Jeral (OJE 2019) ba komisaun B trata asuntu Defeza no Seguransa Parlamentu Nasionál (PN).

Ministru Defeza ne’e hatete, lori propost OJE 2019 Ministériu Interior no PNTL mai komisaun B hodi hatan ba resposta ne’ebé iha bainhira sira duvida bele esklarese nune’e bele asumi proposta ne’e bele pasa iha jeneralide no espesilaidade.

“Tinan- tinan sempre nune’e maibé tinan ida ne’e tarde ituan tanba ita koalia kona-b­á orsamentu parte rua ne’e seguidos mai husi duodesimu lakleur mai fali orsamentu 2018 nian no agora tama fali OJE 2019,” dehan Ministru ba jornalista sira bainhira remata inkontru iha Parlamentu Nasionál.

Iha fatin hanesan Prezidente Komisaun B deputadu Aderito Hugo hatete, mai halo audénsia ba proposta OJE 2019 Ministériu Interior ho Polísia Nasionál Timor-Leste (PNTL) enjéral ho montante tokon US$ 48, aumneta ba PNTL tokon US$,6 kompara ho orsamentu 2018.

“Hakarak ka lakohi OJE 2019 tenke hadia buat balun, tanba  ita presiza halo buat barak iha Interior no PNTL no ita mós haree ba kapasidade orsamentu ne’ebé limitadu, ”tenik Prezidente Komisaun B.

Tuir Deputadu husi bankda CNRT  ne’e katak, orsamentu aumenta ba PNTL hodi kompleta ekipamentu operasionál ba Polísia, Seguransa Sivil no mós Bombeiros.

Kobertura : Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!