MAGAZINE MD#Edisaun_II#Free download.

Views

Ministériu Defeza ho Embáixada Austrália Hala’o Inkontru Kona-bá Programa DCP

 

DILI: Ministériu Defeza (MD) hala’o inkontru kordenasaun ho Embáixada Austrália iha Timor-Leste hodi deskute kona-bá programa Defence Coorperation Programa (DCP) tanbá tinan ne’e Austrália mak sai uma na’in bá programa refere. Diretór Nasionál PEPI, Sr. Martinho Gonçalves Maia hatete, programa ida ne’e programa anualmente no rotativamente bá tinan ida ne’e nian halao hanesan assuntu bilateral, iha tinan kotuk Timor mak uma na’in no tinan ida ne’e Austrália mak sai uma na’in.

Program ne’e nia objetivu atu haree liu mak preparasaun ajenda trabállu bá atividade sira ne’ebé dezenvolve ona no bálun foin atu dezenvolve tanbá tinan ida de’it labele atu halo buat hotu ho ida ne’e mak bálun kontinua fali iha agora. Diretór ne’e dehan katak programa refere foka liu iha área importante hanesan naval, enzineria, seguransa marítima sentru formasaun no seluk tan.

“Ida ne’e hanesan atividade anual ida, hodi haree bá programa ne’ebé bele kontinua no bálun labele kontinua. Nune’e mós atu halibur ideia foun ruma kona-bá formasaun no bolsu estudu ruma. Buat hirak ne’e iha vantazem bá ita, tanbá hasa’e ita nia kapasidade,” dehan Diretór PEPI bá jornalista MD báinhira partesipa inkontru refere iha fatin inkontru Ministériu Defeza Fatuhada, Dili Kinta,  (9/08/2018). Nia dehan, Austrália to’o agora sai nafatin parseiru di’ak ho Timor hodi haree liu bá iha área seguransa marítima nune’e mós nafatin hasa’e rekursu humanu importante mós ekipamentu tuir nesesidade. Maske governu Austrália informa assuntu bárak maibé tanbá governu seidauk kompletu no orsamentu mós seidauk aprova espera tempu bádak sei la’o hodi hein estrutura adisional Governu nian.

Kona-bá Timor Leste sai uma na’in bá progrma Defense Coorperation Program (DCP) iha duni vantazen bárak tanbá bele “na’ok” ema nia matenek no esperiénsia tanbá kapasidade nasionál ne’e ladun kobre hotu. Alende ida ne’e, Diretór Nasionál PEPI informa kona-bá inisiú to’o agora iha nasaun 25 mak hala’o ona koperasaun bilateral ho Timor Leste iha área defeza nian. Tanbá ne’e importante mak tenke haree área saida mak atu kopera nune’e evita duplikasaun, ne’e signifika labele hanesan iha área ida de’it no presiza haree kestaun hirak ne’e.

Nia dehan, kona-bá vizita ró militar nian ne’ebé mai vizita Timor – Leste ne’e husi nasaun hira ona mak mai bebeik hanesan Amérika, Austrália, Japaun, Xina.  Tenke haree oráriu vizita ró hirak ne’e atu mai labele iha tempu hanesan, no haree mós kona-bá  oinsá sira mai. Sira mai tanbá bá ezersísiu ka tanbá aktividade seluk. Buat hirak ne’e tenki planeadu hodi nune’e F-FDTL ho PNTL bele disponivel atu fó seguransa,  la’os mai derepente no buka ema laiha.

“Tanbá uluk hahú ne’e buat hotu ita simu de’it no ikus mai ita hatene difini ona se mak fó treinamentu báziku avansadu espesialidade ita mós agora kuidadu los iha reuniaun sira ne’e, ohin loron Timor iha forsa bárak ne’e laos ita mak investe mesak maibé ne’e tanbá iha koperasaun sira ne’e,”tenik nia.

Kobertura: Ligia Noronha (Media MD)

Deskulpa - Komentariu ami Taka

error: Deskulpa Kontent ami protected !!