MAGAZINE MD#Edisaun_III#COMING SOON.

MD Esplika Lei Defeza Nasionál Ba PN

DILI:  Ministru Defeza Brig-G (Ref), Filomeno da Paixão de Jesus, esplika ba destinge deputadu sira iha Parlamentu Nasionál,  kona-ba altersaun lei defeza nasionál iha artigu hamutuk 12 lei númeru 3/2010, 21 Fevereiru tanba lei refere liu ona tinan 10.

Relatóriu no paresér husi Komisaun B ne’ebé trata asuntu Negósiu Estranjeiru, Defeza no Seguransa konsidera proposta-alterasaun ne’e estruturada, prenxe rekizitu formál no konstitusionál tanba ne’e nesesáriu halo alterasaun. Debate ba lei refere hetan ona aprovasaun ho votus afavor 37 Kontra 0 no Abstensaun 13

Iha debate ne’e Ministru Defeza Esplika, alterasaun ida ne’e haree konsagra mós kompeténsia Ministru nian, propoin ba konsellu Ministru hamutuk ho membru governu, laos de’it nomeasaun ka ezenorasaun Xefe Estadu Maior jeneral nian ho Vise Xefe Estadu Maior Jenerál nian maibé ida ne’ebé haluhan mak Xefe Estadu Maior ida ne’e nunka tau iha lei defeza nasional.

Kona-ba artigu 85-86 iha konstituisaun RDTL tenke ba iha kompetensia Prezidente Repúblika nian, lei hateten nomeia no ezonera ida ne’e mai husi proposta governu nian ba iha XEMFA no Vise- XEMFA.

Xefe Estadu Maior (XEM), atuál Brigadeiru Jeneral Coliati, ida ne’e implika ba iha jenerais sira tanba iha ema nia nasaun boot hanesan Austrália no Portugal ema kaer ramos bobot, jenerais mak kaer fitun tolu no haat maibé ida ne’e sedauk iha.

“Durante temporada ida-ne’e iha alterasaun barak mak ita halo durante tinan 10, hanesan komponente kona-ba Sistema forsa nian, ita presiza armoniza lei ida-ne’e ho konseitu estratéjiku seguransa nasionál ne’ebé ita aprova iha dezembru 2016, no konseitu estratéjiku militár ne’ebé  foin aprova iha 2020 kona-ba sistema forsa nasionál, misaun forsa armada, ida ne’e ho dokumentu ne’ebé estruturante,” Ministru Defeza Esplika.

Nune’e mós prosede mós ba modifikasaun kompozisaun konsellu superior defeza militár, ne’e prinsipál nu’udar órgaun konsultivu mai hosi membru Governu kompetente matéria defeza nian.

Iha artigu 57 preve mos regulamentu disiplinar bele halo ho dekretu lei kombaze lei defeza seguransa, hatete mos altera kompozisaun estrutura organiku F-FDTL ba dadaun ne’e iha komponente lima, maibé uluk buat ne’e kikoan liu entaun  komponente  iha komando iha Sr. Jeneral, maibé agora alarga ba bebeik ita nia komponente tolu de’it mak di’ak tuir dutrina atual, restu hanesan sentru instituisaun ba fali iha diresaun ida nune’e estadu maior bele tau matan, maibé komponente tenke ba direita jeneral, maibé diresaun sira ne’e iha deit Xefe Estadu Maior  no orgaun apoiu nia okos para halo planeamentu no implementasaun.

Remata iha deskusaun ne’e Prezidente Parlamentu  Nasionál, Deputadu Aniceto Longinhos Guterres, anunsia katak bazeia ba rejimentu Parlamentu Nasionál bainhira diskusaun ne’e aprovada iha jeneralidade, sei kontinua diskute iha plenária kada artigu iha espesialidade maibé tanba COVID-19 entaun plenária deside diskute faze espesialidade nian iha Komisaun B. Nune’e, rezultadu votasaun hodi haruka ba Komisaun B ne’e a-favór 42, kontra O no abstensaun 6.

Tanba ne’e proposta-alterasaun ba Lei Defeza Nasionál ba Komisaun B atu diskute no aprova iha espesialidade no plenária hein atu halo aprovasaun finál globál. Ordena no organiza diskusaun ho membru Governu área relevante nian, komesa semana oin karik bele hahú ona diskusaun iha espesialidade.

Media MD

Deskulpa - Komentariu ami Taka

error: Deskulpa Kontent ami protected !!