MAGAZINE MD#Edisaun_II#Free download.

MD Hala’o Vizita Ba Postu UPF- F-FDTL Iha Munisípiu Kovalima-Bobonaru

DILI: Bazeia ba programa husi Ministériu Defeza no Ministériu Interior hodi hala’o vizita dahuluk ba  postu Polísia Nasionál Timor-Leste (PNTL) husi Unidade Patrullamentu Fronteira (UPF) ho  Postu FALINTIL- Forsa Defeza Timor Leste (F-FDTL) sira iha Munisípiu Kovalima Munisipíu Bobonaru.

Durante vizita traballu ne’ebé hahú husi loron 25 to’o 27 Abril 2019 Ministru Defeza no Ministru Interior Interinu Brigadeiru Jenerál (Ref) Filomeno da Paixão de Jesus ho nia komitiva ne’ebé akompañia direita husi Komandante Interinu UPF, Superentidente Polísia  João Sancho Pires hodi hala’o vizita ba postu sira iha Munisípiu rua (2) ne’e to’o remata.

Objetivu husi atividade vizita ne’e hodi haree direita kondisaun iha unidade refere nune’e bele identifika problema sira ne’ebé sira infrenta durante ne’e.

Fatin UPF ne’ebé Ministru Defeza no Ministru Interior ne’e vizita iha parte Munisípiu Suai nian mak hanesan Postu Salele, Mota Masin, Tilomar-Wala Lama, Fatululik, Aikakar, Belulik Kraik, Belulik Leten, Fatumea, Aerportu Suai inklui Postu F-FDTL.

Iha Munisípu Bobonaro nian ho postu sira hanesan, Alto Lebos, Kompania Alfa UPF, Kalohan-Saburai, Memo kraik, Tunubibi, Nunura, Batugade, Badut Mean, Mota Ain inklui Postu F-FDTL iha Tunu Bibi, Derok Ren, falta postu cowa nian mak la konsege vizita hein fali vizita tuir mai.

“Ha’u mai haree kondisaun uma sira di’ak hela maibé presiza mak manutensaun tanba uma barak naksobuk ona ida ne’e ladi’ak, balun uma di’ak ahi laiha balun bee mak falta, ha’u haruka ona Xefe Gabinete Interior nian aponta hotu ona nune’e ha’u  tau ba planu 2020 hodi bele hadi’a fali postu sira ne’e,”dehan Ministru ne’e ba jornalista sira bainhira halao vizita ba iha Postu Administrativu Fatumea Munsipiu Suai Kinta-Feira (25/04/2019).

Governante ne’e mós hatan ba preokupasaun balun husi komunidade husu ba Governu atu bele hadi’a estrada, kondisaun uma transporte nune’e bele fasilita membru UPF sira bele halo patrulla hodi asegura situasaun entre nasaun viziñu.

Tuir observasaun Média MD durante akompañia Ministru nian vizita traballu ne’e, Ministru observa direita serbisu iha unidade ne’e nomós haree sira nia fatin toba, haris fatin, eletrisidade, be’e no mós fatin te’in nian ho kestaun sira ne’e hotu Ministru sei tu’u r hanon hodi tau ba planu.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!